ന്യൂഡല്ഹി: കേന്ദ്ര പ്രതിരോധമന്ത്രി രാജ്നാഥ്സിംഗ് തേജസ്സില് പറക്കാനൊരുങ്ങുന്നു. ഭാരതം സ്വയം നിര്മ്മിച്ച ഏറ്റവും ഭാരം കുറഞ്ഞ യുദ്ധവിമാനമായ തേജസ്സിലാണ് പ്രതിരോധമന്ത്രി യാത്രചെയ്യാനൊരുങ്ങുന്നത്. തമിഴ്നാട്ടിലെ സൂളൂരിലെ വായുസേനാ കേന്ദ്രത്തില് നിന്നാണ് ഇരട്ടസീറ്റുള്ള തേജസ്സില് രാജ്നാഥ് സിംഗ് ആകാശയാത്രനടത്തുക.
എയറോനോട്ടിക്കല് ഡെവലപ്മെന്റ് ഏജന്സി(എഡിഎ)യും ഹിന്ദുസ്ഥാന് എയറോനോട്ടിക്സ് ലിമിറ്റഡ്(എച്ച്എഎല്) ഭാരത വായുസേനയ്ക്കും നാവികസേനയ്ക്കുമായിട്ടാണ് തേജസ് നിര്മ്മിച്ചത്.
ഭാരതം വര്ഷങ്ങളായി വാങ്ങി ഉപയോഗിച്ചുകൊണ്ടിരുന്ന മിഗ്-21 ന്റെ കാലപ്പഴക്കം കണക്കിലെടുത്താണ് 1980ല് പകരമൊരു യുദ്ധവിമാനമെന്ന പരീക്ഷണം തുടങ്ങിയത്.2003 ലാണ് ലൈറ്റ് കോംബാറ്റ് എയര്ക്രാഫ്റ്റ് വിഭാഗത്തിലെ ആദ്യ സംരംഭത്തിന് തേജസ്സ് എന്ന പേരുനല്കാന് തീരുമാനിച്ചത്
