ക്രിക്കറ്റ് താരങ്ങളില് അടുത്തിടെ ഏറ്റവും കൂടുതല് ശ്രദ്ധിക്കപ്പെട്ടത് ജസ്പ്രീത് ബുംറയാണ്. എന്നാല് ബുംറയോട് കിടപിടിക്കുന്ന ഒരു പേസര് കൂടി ഇന്ത്യയ്ക്കുണ്ട്. വിരലിലെണ്ണാവുന്ന മത്സരങ്ങള് മാത്രമാണ് കളിച്ചതെങ്കിലും ഭാവിയില് ഇന്ത്യയുടെ കരുത്താകുമെന്ന് തെളിയിച്ചവനാണ് നവദീപ് സെയ്നി.
‘സെയ്നി അംഗീകരിക്കപ്പെടുന്നത് കാണുമ്പോള് സന്തോഷമുണ്ട്. പലര്ക്കും ചെയ്യാന് പറ്റാത്ത കാര്യമാണ് 150 കിലോമീറ്റര് വേഗത്തില് പന്തെറിയുക എന്നത്. അത് അത്ര നിസാരക്കാര്യമല്ല’. സെയ്നിയെ വാനോളം പുകഴ്ത്തിയത് മറ്റാരുമല്ല ദക്ഷിണാഫ്രിക്കന് ഓള് റൗണ്ടറായ ലാന്സ് ക്ലൂസ്നറാണ്. നിലവില് ദക്ഷിണാഫ്രിക്കന് ടീമിന്റെ അസിസ്റ്റന്റ് ബാറ്റിങ് പരിശീലകനാണ് ക്ലൂസ്നര്. കഴിഞ്ഞ സീസണില് ഡല്ഹി ജില്ലാ ക്രിക്കറ്റ് അസോസിയേഷനു വേണ്ടി പ്രവര്ത്തിച്ചിരുന്ന ക്ലൂസനര്ക്ക് ഡല്ഹിക്കാരനായ സെയ്നിയെ മറ്റാരേക്കാളും നന്നായി അറിയാം.
ഫ്ളോറിഡയില് വിന്ഡീസിനെതിരെ നടന്ന അരങ്ങേറ്റ മത്സരത്തിലെ ആദ്യ ഓവറില് തുടര്ച്ചയായ രണ്ടു പന്തുകളില് രണ്ടു വിക്കറ്റ് നേടിയ സെയ്നിക്ക് അഭിനന്ദനവുമായി മുന് ക്രിക്കറ്റ് താരങ്ങള് രംഗത്തെത്തിയിരുന്നു. മത്സരത്തില് ഇന്ത്യയ്ക്ക് വേണ്ടി മൂന്നു വിക്കറ്റ് നേടിയത് സെയ്നിയായിരുന്നു. ആദ്യ ട്വിന്റി 20 മത്സരത്തില് രണ്ട് വിക്കറ്റോ അതിലധികമോ നേടുന്ന രണ്ടാമത്തെ ബൗളറാണ് സെയ്നി. നേരത്തേ പ്രഗ്യാന് ഓജയാണ് ബംഗ്ലാദേശിനെതിരെ പണ്ട് വിക്കറ്റ് നേടയിത്
സെയ്നിയുമായി സംസാരിക്കുമ്പോള് 150 കിലോമീറ്റര് വേഗത്തില് പന്തെറിയാനുളള ആഗ്രഹത്തെ കുറിച്ച് നമുക്ക് മനസിലാക്കാന് സാധിക്കുമെന്നും അദ്ദേഹം പറഞ്ഞു. അതുപോലെ എന്നും മികച്ച രീതിയില് ഫിറ്റ്നസ് നിലനിര്ത്താനും സെയ്നി ശ്രമിക്കാറുണ്ടെന്നും ക്ലൂസ്നര് വ്യക്തമാക്കി.