ന്യൂഡല്‍ഹി: ലോകകപ്പില്‍ കളിക്കാനാകാത്തതിന്റെ കാരണം വിശദീകരിച്ച് മുന്‍ ഇന്ത്യന്‍ ക്രിക്കറ്റ് ആവേശമായ യുവരാജ് സിംഗ് രംഗത്ത്. ക്രിക്കറ്റ് ടീം മാനേജ്‌മെന്റ് പിന്‍ന്തുണച്ചിരുന്നെങ്കില്‍ 2011 ന് ശേഷം ഒരുതവണകൂടി ലോകകപ്പ് ടീമില്‍കളിക്കുമായിരുന്നുവെന്നാണ് യുവി പറഞ്ഞത്.’2011 ന് ശേഷം അടുത്ത ലോകകപ്പില്‍ കളിക്കാനാകാഞ്ഞതില്‍ ഞാന്‍ പശ്ചാത്തപിക്കുന്നു. ടീം മാനേജ്‌മെന്റിന്റെ ഭാഗത്തുനിന്നോ, ചുറ്റുമുള്ളവരില്‍ നിന്നോ ഒരു പിന്‍തുണയും കിട്ടിയില്ല.അതുണ്ടായിരുന്നെങ്കില്‍ ഞാന്‍ തീര്‍ച്ചയായും അടുത്ത ലോകകപ്പ് കളിക്കുമായിരുന്നു’ ഒരു ദൃശ്യമാധ്യമത്തിന് നല്‍കിയ അഭിമുഖത്തിലാണ് യുവി മനസ്സുതുറന്നത്.
എന്നാല്‍ ഞാന്‍ കളിച്ചതെല്ലാം എന്റെ സ്വന്തംശൈലിയിലാണ്.എനിക്ക് വഴികാണിച്ചത് ഞാന്‍ മാത്രം. ഈ വര്‍ഷം ആദ്യമാണ് യുവി അന്താരാഷ്‌ട്രക്രിക്കറ്റില്‍ നിന്ന് വിരമിച്ചത്.തന്നോട് സംസാരിക്കേണ്ടതിന് പകരം ഒഴിവാക്കാനാണ് ശ്രമിച്ചതെന്ന ഞെട്ടിക്കുന്ന കുറ്റപ്പെടുത്തലാണ് സ്റ്റാര്‍ ബാറ്റ്‌സ്മാന്‍ നടത്തിയിരിക്കുന്നത്.
2017ലെ ചാമ്പ്യന്‍സ് ട്രോഫിയില്‍ 8 കളികളില്‍ രണ്ടെണ്ണത്തില്‍ കളിയിലെ താരമായ ഞാന്‍ പരിക്കുമൂലമാണ് വിശ്രമമെടുത്തത്.മാത്രമല്ല ശ്രീലങ്കന്‍ പര്യടനത്തിനായി തയ്യാറെടുക്കണമെന്നും പറഞ്ഞിരുന്നു, യുവി വ്യക്തമാക്കി. തുടര്‍ന്ന് എന്റെ പ്രായം 36 ആയിട്ടുകൂടി യോ-യോ ടെസ്റ്റ് എന്ന ശാരീരികക്ഷമത പരിക്ഷയിലും പാസ്സായി.എന്നിട്ടുമെന്നോട് പ്രദേശിക മത്സരങ്ങള്‍ കളിക്കാനാണ് ആവശ്യപ്പെട്ടത്.
15-16 വര്‍ഷം ദേശീയ ടീമില്‍ കളിക്കുന്ന താരത്തോട് ആദ്യം നേരെയിരുന്ന് സംസാരിക്കാനുള്ള ആര്‍ജ്ജവമാണ് ക്രിക്കറ്റ് ടീം മാനേജ്‌മെന്റ് കാണിക്കേണ്ടത്.എന്നോട് മാത്രമല്ല വീരേന്ദ്രസെവാഗിനോടോ സഹീര്‍ഖാനോടോ സംസാരിച്ചിട്ടില്ല’ യുവി നിശിതമായിട്ടാണ് ഇന്ത്യന്‍ ക്രിക്കറ്റ് മാനേജ്‌മെന്റിനെ വിമര്‍ശിച്ചത്.എന്നാണ് ക്രിക്കറ്റില്‍ നിന്ന് വിരമിക്കേണ്ടതെന്ന് പോലും എനിക്ക് അറിയില്ലായിരുന്നു.ഞാന്‍ കല്യാണ്ം കഴിച്ചത് കുറച്ചുനാള്‍ മുന്‍പാണ്. അതിനാല്‍തന്നെ കളിക്കാതിരുന്നത് ജീവിത പ്രാരാബ്ധം കൂട്ടിയിരിക്കുകയാണ്, യുവി കൂട്ടിച്ചേര്‍ത്തു.
