Defence

3,500 കിലോമീറ്റർ സ്ട്രൈക്ക് റേഞ്ചുള്ള കെ-4 ന്യൂക്ലിയാർ മിസൈൽ പരീക്ഷിക്കാൻ ഇന്ത്യ ; അഗ്നി, ബ്രഹ്മോസ് മിസൈലുകളുടെ പരീക്ഷണവും ഉടൻ

ഭുവനേശ്വർ ; 3,500 കിലോമീറ്റർ സ്ട്രൈക്ക് റേഞ്ചുള്ള കെ-4 ന്യൂക്ലിയാർ മിസൈൽ പരീക്ഷിക്കാൻ ഇന്ത്യ . അന്തർവാഹിനികളിൽ നിന്നുള്ള ആക്രമണ ശേഷി വർദ്ധിപ്പിക്കുന്നതിന്റെ ഭാഗമായാണ് പുതിയ നീക്കം . ഇന്ത്യ നിര്‍മിക്കുന്ന അരിഹന്ത് ക്ലാസ് ന്യൂക്ലിയര്‍ അന്തര്‍വാഹിനികള്‍ക്കായി ഡി ആര്‍ഡിഒയാണ് മിസൈല്‍ സംവിധാനം വികസിപ്പിക്കുന്നത്. ഇന്ത്യയുടെ ആണവ ഗ്രൂപ്പിലെ പ്രധാന ഘടകമാകും അരിഹന്തുൾപ്പെടെയുള്ള അന്തര്‍വാഹിനികള്‍ .

നേരത്തെ തന്നെ കെ സീരീസില്‍ മിസൈലുകള്‍ ഇന്ത്യ നിര്‍മിച്ചിരുന്നു. 750 കിലോമീറ്റര്‍ പരിധിയുള്ള കെ 15, 3500 കിലോമീറ്റര്‍ പരിധിയുള്ള കെ 4 എന്നീ മിസൈലുകള്‍ പലതവണ വിജയകരമായി പരീക്ഷിക്കുകയും ചെയ്തിരുന്നു. ദീര്‍ഘദൂര മിസൈല്‍ പരീക്ഷണങ്ങള്‍ക്കുള്ള മുന്നറിയിപ്പുകള്‍ ഇതിനകം തന്നെ ഇന്ത്യ നല്‍കിയിട്ടുണ്ട്.

വെള്ളിയാഴ്ച്ച വിശാഖപട്ടണം തീരത്തെ അണ്ടര്‍വാട്ടര്‍ പ്ലാറ്റ്ഫോമില്‍ നിന്നാണ് കെ -4 ആണവ മിസൈല്‍ പരീക്ഷണാടിസ്ഥാനത്തില്‍ വിക്ഷേപിക്കുക . കെ 4 എന്നത് നിലവില്‍ വികസിപ്പിച്ചുകൊണ്ടിരിക്കുന്ന രണ്ട് അണ്ടര്‍വാട്ടര്‍ മിസൈലുകളില്‍ ഒന്നാണ് . ഇതിനൊപ്പം 700 കിലോമീറ്ററിലധികം സ്‌ട്രൈക്ക് റേഞ്ചുള്ള ബിഒ-5 മിസൈലും വികസിപ്പിക്കുന്നുണ്ട്.

ഡി ആർ ഡി ഒ വിക്ഷേപിക്കുന്നത് പൂര്‍ണ്ണ സ്ട്രൈക്ക് റേഞ്ചിലുള്ള മിസൈലാണോ , ഹ്രസ്വ റേഞ്ചിലുള്ള മിസൈലാണോ എന്ന് വ്യക്തമായിട്ടില്ല . കഴിഞ്ഞ മാസം കെ-4 മിസൈലിന്റെ പരീക്ഷണം ആസൂത്രണം ചെയ്തിരുന്നെങ്കിലും മാറ്റിവയ്ക്കുകയായിരുന്നു . ഇതു കൂടാതെ വരും ദിവസങ്ങളിൽ അഗ്നി, ബ്രഹ്മോസ് മിസൈലുകളും പരീക്ഷിക്കാൻ ഇന്ത്യ തീരുമാനിച്ചിട്ടുണ്ട് .

5K Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close