ന്യൂഡല്ഹി: മുങ്ങിക്കപ്പലില് നിന്നും വിക്ഷേപിക്കാവുന്ന ആണവ ബാലിസ്റ്റിക് മിസൈലുമായി ഇന്ത്യ. കെ 4 എന്നു പേരിട്ടിരിക്കുന്ന മിസൈലിന്റെ പരീക്ഷണം നാളെ നടത്താനുള്ള ഒരുക്കത്തിലാണ് പ്രതിരോധ മന്ത്രാലയം. 3500 കിലോമീറ്റര് ദൂരപരിധിയുള്ള മിസൈലിന്റെ ലക്ഷ്യം പാകിസ്ഥാനും ചൈനയുമാണ്.
മിസൈല് വിശാഖപട്ടണം തീരത്ത് ഐഎന്എസ് അരഹന്തില് നിന്നും വിക്ഷേപിക്കുമെന്നാണ് വിവരം. മുന് രാഷ്ട്രപതി എ.പി.ജെ അബ്ദുല് കലാമിനോടുള്ള ആദരസൂചകമായാണ് മിസൈലിന് കെ 4 എന്ന് പേര് നല്കിയിരിക്കുന്നത്. ഡിആര്ഡിഒ ( പ്രതിരോധ ഗവേഷണ വികസന കേന്ദ്രം) ആണ് കെ 4 മിസൈല് വികസിപ്പിച്ചെടുത്തത്. കടലിനടിയില് നിന്ന് വിക്ഷേപിച്ച ശേഷം ആകാശത്തേക്കുയരുകയും ശബ്ദത്തെക്കാള് വേഗത്തില് ലക്ഷ്യത്തിലേക്ക് കുതിക്കാന് കഴിയുന്നതുമാണ് കെ 4 മിസൈലിന്റെ പ്രത്യേക.
കര, വ്യോമ, നാവിക മാര്ഗങ്ങളിലൂടെ ആണവ മിസൈല് തൊടുക്കാനുള്ള ഇന്ത്യയുടെ പരീക്ഷണങ്ങളില് കെ 4 മിസൈല് നിര്ണായകമാണെന്ന് പ്രതിരോധ വൃത്തങ്ങള് അറിയിച്ചു. നിലയില് യുഎസ് , റഷ്യ, ചൈന, യുകെ, ഫ്രാന്സ് എന്നി രാജ്യങ്ങള്ക്കാണ് ഈ ശേഷിയുളളത്.