ന്യൂഡല്ഹി: അത്യാധുനിക പീരങ്കികളുമായി ഇന്ത്യന് കരസേനാവിഭാഗം ഒരുങ്ങുന്നു. ഭാരം കുറഞ്ഞ 18 എം777 ഹൗവിറ്റ്സര് പീരങ്കികളാണ് അമേരിക്കയുടെ സഹകരണത്തോടെ ഇന്ത്യ സ്വന്തമാക്കിയത്. തോക്കുകളുടെ ഭാഗങ്ങള് ഇന്ത്യ തദ്ദേശീയമായി കൂട്ടിയിണക്കിയാണ് ആദ്യഘട്ടം തയ്യാറെടുക്കുന്നത്. അള്ട്രാ ലൈറ്റ് ഹൗവിറ്റ്സര് വിഭാഗത്തിലെ അതീവ പ്രഹരശേഷിയുള്ളവയാണ് എം777 പീരങ്കികള്. മാത്രമല്ല പര്വ്വത മേഖലകളിലേക്ക് എളുപ്പം എത്തിക്കാമെന്നതാണ് ഏറെ ഗുണകരം.
ഈ വര്ഷം അവസാനത്തോടെ ഹൗവിറ്റ്സര് വിഭാഗത്തിലെ 7 എം777 പീരങ്കി റെജിമെന്റുകളാണ് കരസേന വിന്യസിക്കുകയെന്ന് കരസേനാ വൃത്തങ്ങളറിയിച്ചു. കരസേനയുടെ ചിനോക്ക് ഹെലിക്കോപ്റ്ററില് ഹൗവിറ്റ്സര് എത്തിക്കാന് സാധിക്കുമെന്ന മെച്ചവും കരസേന ചൂണ്ടിക്കാട്ടുന്നു.
2016 നവംബറിലാണ് 750 മില്ലണ് അമേരിക്കന് ഡോളര് വില നിശ്ചയിച്ച 145 ഹൗവിറ്റ്സറുകള്ക്ക് ഇന്ത്യ ഓര്ഡര് നല്കിയത്. ആദ്യഘട്ടത്തിലെ 25 എണ്ണം മാത്രമാണ് കൂട്ടിയിണക്കാന് പാകത്തിന് ഇന്ത്യയിലെത്തുക. ബിഎഇ സിസ്റ്റംസ് എന്ന അമേരിക്കന് കമ്പനിയാണ് നിര്മ്മിച്ചത്. തുടര്ന്ന് ബാക്കി 120 എണ്ണം ഇന്ത്യയില്ത്തന്നെ മഹീന്ദ്രാ ഡിഫന്സ് സിസ്റ്റംസിന്റെ സഹകരണത്തോടെ മെയ്ക് ഇന് ഇന്ത്യാ പദ്ധതി പ്രകാരമാണ് കൂട്ടിയിണക്കപ്പെടുകയെന്നും കരസേന വ്യക്തമാക്കി.