മലയാളികളുടെ പ്രിയപ്പെട്ട ഭക്ഷണമാണ് പഴങ്കഞ്ഞി. അല്പം തൈരും കാന്താരി മുളകും അച്ചാറുമുണ്ടെങ്കില് വയറ് മാത്രമല്ല മനസും നിറയും. സ്വാദിനൊപ്പം പഴങ്കഞ്ഞിയില് നിരവധി ആരോഗ്യ ഗുണങ്ങളും അടങ്ങിയിട്ടുണ്ട്.
ഒരു ദിവസത്തേക്ക് വേണ്ട ഊര്ജവും കുളിര്മയും പഴങ്കഞ്ഞി കുടിക്കുന്നതിലൂടെ നമുക്ക് ലഭിക്കും. പഴങ്കഞ്ഞി കുടിച്ചാല് ദഹനം സുഗമമാകുകയും ശരീരത്തിന് തണുപ്പ് ലഭിക്കുകയും ചെയ്യും. ആന്റി ഓക്സിഡന്റുകള് ധാരാളം അടങ്ങിയിരിക്കുന്നതിനാല് പഴങ്കഞ്ഞി കഴിക്കുന്നത് വഴി ചര്മ്മത്തിന് തിളക്കം വര്ധിക്കുകയും ചെറുപ്പം നിലനില്ക്കുകയും ചെയ്യും.
രക്ത സമ്മര്ദ്ദം കുറയ്ക്കാനും കൊളസ്ട്രോള് നിയന്ത്രിക്കാനും ജീവിത ശൈലി രോഗങ്ങളെ ഇല്ലാതാക്കാനും പഴങ്കഞ്ഞി മികച്ചതാണ്. ഒരു കപ്പ് പഴങ്കഞ്ഞിയില് മനുഷ്യ ശരീരത്തിന് ആവശ്യമായ 80 ശതമാനത്തോളം മാംഗനീസ് അടങ്ങിയിട്ടുണ്ട്. ഇത് ശരീരത്തിലെ കൊഴുപ്പിനെ എളുപ്പത്തില് വിഘടിപ്പിക്കും. ക്യാന്സറിനെ പ്രതിരോധിക്കാനും പഴങ്കഞ്ഞി സഹായിക്കും. സന്ധിവാതത്തിനും ഹൃദയ സംബന്ധമായ പ്രശ്നങ്ങള്ക്കും ഒരു പരിധി വരെ പരിഹാരമാണ് പഴങ്കഞ്ഞി.
വിറ്റാമിനുകളാല് സമ്പന്നമായ പഴങ്കഞ്ഞി കുടിക്കുന്നത് വഴി എല്ലുകളുടെ ബലം വര്ധിക്കും. ബി6, ബി12 വിറ്റാമിനുകള് പഴങ്കഞ്ഞിയില് ധാരാളം അടങ്ങിയിട്ടുണ്ട്. ശരീര ക്ഷീണം അകറ്റാനും അണുബാധകള് വരാതെ തടയാനും പഴങ്കഞ്ഞി സഹായിക്കും. അലര്ജിയ്ക്കും മികച്ച പരിഹാരമാര്ഗമാണ് പഴങ്കഞ്ഞി.
