ദുബായ്: ബൗളര്മാര് ക്രീസ്സിലേക്ക് ഓടിയെത്തുമ്പോല് സംഭവിക്കുന്ന നോബോള് ഇനി അമ്പയര്മാര് തീരുമാനിക്കില്ലെന്ന് ഐസിസി അറിയിച്ചു. ക്യാമറ ഉപയോഗിച്ച് മൂന്നാം അമ്പയറായിരിക്കും തീരുമാനിക്കുക എന്നാണ് പുതിയ വിവരം. ഇന്ന് ആരംഭിക്കുന്ന ഇന്ത്യാ-വിന്ഡീസ് ടി20 മത്സരം മുതല് തീരുമാനം നടപ്പാകുമെന്നും ഐസിസി അറിയിച്ചു.
ഈയിടെയായി അന്താരാഷ്ട്രമത്സരങ്ങളിലടക്കം ബൗളറുടെ മുന്കാല് ക്രീസ്സിന്റെ മുന്നിലെ വരകടന്നുപോകാതിരിക്കണം. എന്നാല് അത് പലപ്പോഴും വിക്കറ്റിന് പിന്നില് നില്ക്കുന്ന അമ്പയര് കാണുന്നില്ല എന്ന വ്യാപകപരാതി ഉയര്ന്നിരുന്നു. പന്ത് എറിയുമ്പോള്ത്തന്നെ പ്രത്യേക ഇയര്ഫോണിലൂടെ അമ്പയര്ക്ക് മൂന്നാം അമ്പയറുടെ നോബോള് വിളിയെത്തും ഉടന് ഫീല്ഡ് അമ്പയര് നോബോളാണെന്ന് കൈഉയര്ത്തി തീരുമാനം ഗ്രൗണ്ടില് വിളിച്ചുപറണം എന്നാണ് പുതിയ നിര്ദ്ദേശം ഐസിസിയുടേതായി വന്നിരിക്കുന്നത്.
വരാനിരിക്കുന്ന ഐപിഎല്ലില് നോബോളുകള് പരിശോധിക്കാന് മാത്രമായി ഒരു ടിവി അമ്പയറെ വക്കാന് സംഘാടകര് തീരുമാനമെടുത്തുകഴിഞ്ഞിരുന്നു.
