ഡിസംബര് 31നുള്ളില് ആധാറുമായി ബന്ധിപ്പിച്ചില്ലെങ്കില് പാന് കാര്ഡ് അസാധുവാകും. പാന് ആധാറുമായി ബന്ധിപ്പിക്കാന് ഡിസംബര് 31 വരെയാണ് ആദായനികുതി വകുപ്പ് അവസരം നല്കിയിരിക്കുന്നത്. ഇതിന് മുന്പ് പാന് കാര്ഡ് ആധാറുമായി ബന്ധിപ്പിച്ചില്ലെങ്കില് പിന്നീട് ഇടപാടുകളൊന്നും സാധ്യമാകില്ല.
ആദായ നികുതി വകുപ്പിന്റെ ഇഫയലിങ് പോര്ട്ടലില് പാന്, ആധാര് നമ്പറുകള് നല്കിയാണ് ബന്ധിപ്പിക്കേണ്ടത്. മൊബൈലില് ലഭിക്കുന്ന ഒടിപി ചേര്ക്കുന്നതോടെയാണ് നടപടിക്രമങ്ങള് പൂര്ത്തിയാകുക.
പാന് ആധാറുമായി ബന്ധിപ്പിച്ചിട്ടുണ്ടോയെന്ന് പരിശോധിക്കാനും അവസരമുണ്ട്. ഇതിനായി ആദായ നികുതി വകുപ്പിന്റെ ഇഫയലിങ് പോര്ട്ടലില് പോയി ലിങ്ക് ആധാര് എന്ന് ചേര്ത്തിട്ടുള്ളിടത്ത് ക്ലിക്ക് ചെയ്യുക. സൈറ്റിന്റെ ഇടതുഭാഗത്തുള്ള ക്വിക്ക് ലിങ്ക്സ് എന്ന സെക്ഷനിലാണ് ഇതുള്ളത്.
തുറന്നുവരുന്ന പേജിന്റെ മുകളില് ചുവപ്പ്, നീല നിറങ്ങളില് തിളങ്ങി നില്ക്കുന്ന ‘ക്ലിക്ക് ഹിയര്’എന്ന ഭാഗത്ത് അമര്ത്തുക. തുടര്ന്ന് പ്രത്യക്ഷപ്പെടുന്ന പേജില് ആധാര് നമ്പര്, പാന് നമ്പര് എന്നിവ ചേര്ക്കുക. അപ്പോള് സ്റ്റാറ്റസ് തെളിഞ്ഞുവരും. ഇതുവഴി പാന്ആധാര് ബന്ധിപ്പിക്കല് പൂര്ത്തിയായോയെന്ന് തിരിച്ചറിയാന് കഴിയും.
