ലക്നൗ: പൗരത്വ ഭേദഗതി നിയമത്തിനെതിരെ സംസ്ഥാനത്ത് നടന്ന് അക്രമങ്ങള്ക്ക് പിന്നില് നിരോധിത സംഘടനയായ സിമിയുമായി ബന്ധമുള്ള ഗ്രൂപ്പാണെന്ന് യുപി ഉപമുഖ്യമന്ത്രി ദിനേശ് ശര്മ്മ. അക്രമങ്ങളില് ഇവരുടെ പങ്കിനെ കുറിച്ച് വ്യക്തമായ തെളിവുകള് ലഭിച്ചിട്ടുണ്ട്.
അക്രമങ്ങളില് സിമിയുമായി ബന്ധമുള്ള ഗ്രൂപ്പിന്റെ പങ്ക് അന്വേഷിക്കുന്നുണ്ടെന്നും ദിനേശ് ശര്മ്മ വ്യക്തമാക്കി. പ്രശ്നങ്ങള് ഉണ്ടാകാതിരിക്കാന് നിലവില് 879 പേരെ അറസ്റ്റ് ചെയ്തിട്ടുണ്ട്. അക്രമവുമായി ബന്ധപ്പെട്ട് 5,000 പേരെ പോലീസ് കസ്റ്റഡിയില് എടുത്തിട്ടുണ്ടെന്നും അദ്ദേഹം പറഞ്ഞു. പ്രതിഷേധത്തില് ഇവരുടെ ഇടപെടല് ശ്രദ്ധിച്ചിട്ടുണ്ട്. പ്രതിഷേധക്കാര്ക്ക് ഇടയില് നുഴഞ്ഞ് കയറിയ ഇത്തരം വ്യക്തികളാണ് അക്രമങ്ങള് നടത്തിയതെന്നും അദ്ദേഹം പറഞ്ഞു.
അറസ്റ്റിലായവരില് ആറ് പേര് ബംഗാളിലെ മാള്ഡ ജില്ലയില് നിന്നുള്ളവരാണെന്നും അദ്ദേഹം സൂചിപ്പിച്ചു. ലക്നൗവിലെ ഓള്ഡ് സിറ്റി പ്രദേശത്ത് നിന്നാണ് ഇവരെ അറസ്റ്റ് ചെയ്തത്. പിടികൂടുമ്പോള് ഇവരില് നിന്ന് ബംഗാളി ഭാഷയിലുള്ള പ്രകോപനപരമായ ലഘുലേഖകള് പിടിച്ചെടുത്തതായും ദിനേശ് ശര്മ്മ കൂട്ടിച്ചേര്ത്തു
