ലണ്ടന്: പ്രീമിയര് ലീഗില് മാഞ്ചസ്റ്റര് യുണൈറ്റഡ് മുന്നേറ്റത്തില്. ഇന്നലെ രാത്രി നടന്ന മത്സരത്തില് ബേണ്ലിയെ എതിരില്ലാത്ത രണ്ട് ഗോളുകള്ക്ക് തോല്പ്പിച്ച് അഞ്ചാം സ്ഥാനത്തേക്ക് മുന്നേറി.മറ്റ് മത്സരങ്ങളില് എവര്ട്ടണും ലെസ്റ്ററും വാറ്റ്ഫോഡും ജയിച്ചപ്പോള് ടോട്ടനവും സതാംപടണും സമനില കൊണ്ട് തൃപ്തിപ്പെട്ടു.
രണ്ടുപകുതികളിലായി നേടിയ ഗോളുകള്ക്കാണ് യുണൈറ്റഡ് ബേണ്ലിയെ തോല്പ്പിച്ചത്. അന്തോണി മാര്ഷ്യല് 44-ാം മിനിറ്റിലും മാര്ക്കസ് റാഫോഡ് കളിയുടെ അധികസമയമായ 95-ാം മിനിറ്റിലുമാണ് ഗോള് നേടിയത്. ബേണ്മൗത്തിനെതിരെ എതിരില്ലാത്ത രണ്ടുഗോളുകള്ക്കായിരുന്നു ബ്രൈറ്റന്റെ ജയം. 3-ാം മിനിറ്റില് ജഹാന്ബക്ഷാണ് ആദ്യ ഗോള് നേടിയത്. രണ്ടാം ഗോള് മൂയിയുടെ വകയായിരുന്നു.
എവര്ട്ടണ് ന്യൂകാസിലിനെ തോല്പ്പിച്ചത് ഒന്നിനെതിരെ രണ്ടു ഗോളുകള്ക്ക്. എവര്ട്ടണിനായി 64-ാം മിനിറ്റില് ഡോമിനിക് ലെവിനാണ് ഗോള് നേടിയത്. ലെസ്റ്റര് സിറ്റി 2-1നാണ് വെസ്റ്റ് ഹാമിനെതിരെ ജയം നേടി. കീലീച്ചി 40-ാം മിനിറ്റിലും ഗ്രേ 56-ാം മിനിറ്റിലും ലെസ്റ്ററിനായി ഗോള് നേടി.
ടോട്ടനവും സതാംപ്ടണും എതിരാളികളെ മറികടക്കാനാകാതെ സമനില കൊണ്ട് തൃപ്തിപ്പെട്ടു. നോര്വിച്ചിനെതിരെ 2-2നാണ് സമനില നേടിയത്. കളിയുടെ രണ്ടാം പകുതിയിലാണ് ടോട്ടനം സമനില നേടിയത്. 55-ാം മിനിറ്റില് ക്രിസ്ത്യനും, 83-ാം മിനിറ്റില് കിട്ടിയ പെനാല്റ്റി മുതലാക്കി ഹാരി കെയ്ന് സമനിലഗോള് സ്വന്തമാക്കി.
