ഗുവാഹട്ടി: പുതുവര്ഷത്തിലെ ആദ്യ മത്സരത്തിന് മുന്പ് തന്നെ ഇന്ത്യന് നായകന് വിരാട് കോഹ്ലിയെ അമ്പരപ്പിച്ച് ആരാധകന്. പഴയ മൊബൈല് ഫോണുകള് മാത്രം ഉപയോഗിച്ച് കോഹ്ലിയുടെ ചിത്രം നിര്മ്മിച്ചാണ് രാഹുല് എന്ന ആരാധകന് ഇഷ്ട താരത്തിന്റെ മനം കവര്ന്നത്. ടീം ഹോട്ടലില് നേരിട്ടെത്തിയാണ് രാഹുല് കോഹ്ലിക്ക് ചിത്രം കൈമാറിയത്.
ഉപയോഗ ശൂന്യമായ പഴയ മൊബൈല് ഫോണുകളും ഫോണുകളുടെ വയറുകളും ഉപയോഗിച്ചാണ് കോഹ്ലിയുടെ ചിത്രം നിര്മ്മിച്ചിരിക്കുന്നത്. നിരവധി ദിവസത്തെ ശ്രമഫലമായാണ് ചിത്രം പൂര്ത്തീകരിച്ചതെന്ന് രാഹുല് പറഞ്ഞു. എന്നാല് ആരാധകനെ നിരാശനാക്കാന് കോഹ്ലിയും തയ്യാറായില്ല. അപ്രതീക്ഷിതമായി ലഭിച്ച സമ്മാനത്തിൽ കോഹ്ലി ഒപ്പിടുന്ന ചിത്രം ബിസിസിഐയാണ് ട്വിറ്ററിലൂടെ പുറത്തുവിട്ടത്.
Making art out of old phones.
How is this for fan love! 👏👏 #TeamIndia @imVkohli pic.twitter.com/wnOAg3nYGD— BCCI (@BCCI) January 5, 2020
അതേസമയം, ഈ വര്ഷത്തെ ഇന്ത്യയുടെ ആദ്യ മത്സരം ഇന്ന് ഗുവാഹട്ടിയില് നടക്കും. മൂന്ന് ട്വന്റി20 മത്സരങ്ങളടങ്ങിയ പരമ്പരയില് ശ്രീലങ്കയാണ് ഇന്ത്യയുടെ എതിരാളികള്. പരിക്കില് നിന്ന് മോചിതനായി പേസര് ജസ്പ്രീത് ബൂമ്ര ടീമില് തിരിച്ചെത്തിയപ്പോള് ഓപ്പണര് രോഹിത് ശര്മ്മക്ക് പരമ്പരയില് വിശ്രമം അനുവദിച്ചിരിക്കുകയാണ്.
