ചെന്നൈ: ഇന്ത്യന് ടി20 ഓപ്പണറായി ശിഖര് ധവാനെ പരിഗണിക്കേണ്ടതില്ലെന്ന നിലപാടുമായി മുന് ഓപ്പണറും ടീം സെല്കടറുമായിരുന്ന കൃഷ്ണമാചാരി ശ്രീകാന്ത് വ്യക്തമാക്കി. നിലവില് രോഹിത് ശര്മക്കൊപ്പം കെ.എല്.രാഹുല് മികച്ച രീതിയിലാണ് റണ്സ് എടുക്കുന്നത്. ഈ സാഹചര്യത്തെ മാറ്റിമറിക്കേണ്ട കാര്യമില്ലെന്നാണ് ശ്രീകാന്തിന്റെ അഭിപ്രായം. പരിക്കില് നിന്ന് മുക്തനായ ശേഷം നിലവിലെ ശ്രീലങ്കന് പര്യടനത്തില് ശിഖര് ധവാന് ടീമിനൊപ്പം ചേര്ന്നു കഴിഞ്ഞു.
‘ശ്രീലങ്കക്കെതിരായി എത്ര റണ്സ് എടുത്തു എന്നതല്ല വിഷയം. മികച്ച ഓപ്പണര് ആരാണെന്നതാണ്. നിലവില് രാഹുല് തന്നെയാണ് ഒന്നാമന്’ അന്താരാഷ്ട്ര കായിക മാസികക്ക് നല്കിയ അഭിമുഖത്തിലാണ് ധവാനെ പരിഗണിക്കരുതെന്ന പ്രസ്താവന നടത്തിയത്.
ഇതിനിടെ ഇന്ത്യക്കായി 2020 ടി20 ലോകകപ്പ് നേടിക്കൊടുക്കല് തന്റെ സ്വപ്നമാണെന്നാണ് തിരിച്ചുവന്ന ധവാന് പറഞ്ഞത്. എന്നാല് കഴിഞ്ഞ 12 മത്സരങ്ങളിലായി ആകെ 272 റണ്സ് മാത്രമാണ് ധവാന് എടുത്തത്.
