ഇതാണ് മാതൃസ്‌നേഹം; കുഴിയില്‍ അകപ്പെട്ട ആനക്കുട്ടിയെ പുറത്തെത്തിക്കുന്ന ആന; വൈറലായി ദൃശ്യങ്ങള്‍

അമ്മമാര്‍ക്ക് തന്റെ കുഞ്ഞിനോട് ഉള്ള സ്‌നേഹം ഒരിക്കലും പറഞ്ഞറിയിക്കാന്‍ കഴിയില്ല. മൃഗങ്ങള്‍ക്കായാലും മനുഷ്യര്‍ക്കായാലും മാതൃത്വം എന്നത് ദിവ്യമായ ഒരു അനുഭൂതിയാണ്. പ്രകൃതി നിയമങ്ങളേക്കാള്‍ എത്രയോ വലുതാണ് മാതൃത്വം. അത്തരത്തില്‍ മാതൃത്വത്തിന്റെ സ്‌നേഹവും കരുതലും വെളിവാക്കുന്ന ഒരു വീഡിയോയാണ് ഇപ്പോള്‍ സാമൂഹ്യ മാദ്ധ്യമങ്ങളിലെ ചര്‍ച്ചാ വിഷയം.

ഒരു ആനയും ആനക്കുട്ടിയുമാണ് വീഡിയോയിലെ താരങ്ങള്‍. കുഴിയില്‍ അകപ്പെട്ടു പോയ ആനക്കുട്ടിയെ പുറത്തെത്തിക്കാനുള്ള അമ്മയുടെ ശ്രമമാണ് വീഡിയോയില്‍ കാണുന്നത്. കുഴിയില്‍ അകപ്പെട്ട് കയറാന്‍ സാധിക്കാതെ നില്‍ക്കുന്ന ആനക്കുട്ടിയെ തള്ളിക്കയറ്റുകയാണ് അമ്മയാന. ഗുരുത്വാകര്‍ഷണ ബലത്തിനെതിരെയാണ് അമ്മയാനയുടെ ശ്രമങ്ങള്‍. അവസാനം കുഴിയില്‍ നിന്നും കുട്ടിയാനയെ പുറത്തെത്തിക്കുന്നതും വീഡിയോയില്‍ കാണാം.

വളരെ ബുദ്ധിശാലിയായ മൃഗമാണ് ആന. മനുഷ്യന്റെ തലച്ചോറിനേക്കാള്‍ മൂന്നിരട്ടി വലുപ്പം ആനയുടെ തലച്ചോറിനുണ്ട്. തന്റെ ബുദ്ധിയും കഴിവും ഉപയോഗപ്പെടുത്തിയാണ് ആന തന്റെ കുഞ്ഞിനെ കുഴിയില്‍ നിന്നും പുറത്തെത്തിച്ചത്. നിരവധി പേര്‍ ഇതിനോടകം തന്നെ വീഡിയോ കണ്ടു കഴിഞ്ഞു.

Strength of motherhood is greater than natural laws. Mother elephant pushes the calf to come out of a ditch against the force of gravity. With its brain 3 times larger than human & three times as many neurons as human, elephants are exceptionally smart creatures. Maa juhe salam🙏🏼 pic.twitter.com/C0yCkixuH5

— Susanta Nanda (@susantananda3) January 7, 2020