ഇൻഡോർ: അടുത്തിടെയായി ക്രിക്കറ്റിൽ റെക്കോർഡുകൾ പലതും തിരുത്തിക്കുറിക്കുന്ന തിരക്കിലാണ് ഇന്ത്യൻ നായകൻ വിരാട് കോഹ് ലിയും ഉപനായകൻ രോഹിത് ശർമ്മയും. ലങ്കക്കെതിരായ ട്വന്റി20 പരമ്പരയിൽ ഹിറ്റ്മാൻ വിശ്രമത്തിലായതോടെ രോഹിത്തിനെ മറികടന്നിരിക്കുകയാണ് കോഹ് ലി ഇപ്പോൾ.
ട്വന്റി 20 ക്രിക്കറ്റിൽ ഏറ്റവുമധികം റൺസ് നേടിയ താരമെന്ന നേട്ടമാണ് കോഹ് ലി തന്റെ പേരിൽ കുറിച്ചത്. രോഹിത് ശര്മ്മയും വിരാട് കോഹ്ലിയും 2633 റണ്സുമായി റണ് വേട്ടക്കാരില് ഒന്നാം സ്ഥാനം പങ്കിടുകയായിരുന്നു. ഇന്ന് ഒരു റൺസ് നേടിയതോടെയാണ് രോഹിത്തിനെ പിന്നിസലാക്കി കോഹ് ലി ഒന്നാമതെത്തിയത്.
നിലവിൽ 2663 റൺസുമായി കോഹ് ലി ഒന്നാം സ്ഥാനത്തും 2633 റൺസുമായി രോഹിത് രണ്ടാം സ്ഥാനത്തുമാണുള്ളത്. 2436 റൺസുമായി മൂന്നാം സ്ഥാനത്തുള്ളത് ന്യൂസിലൻഡ് താരം മാർട്ടിൻ ഗുപ്റ്റിലാണ്. നാലാം സ്ഥാനത്ത് പാക് താരം ഷോയബ് മാലിക്കും അഞ്ചാം സ്ഥാനത്ത് ന്യൂസിലൻഡ് താരം ബ്രണ്ടൻ മക്കല്ലവുമാണുള്ളത്.
