ലണ്ടന്: ഇംഗ്ലീഷ് ലീഗ് കപ്പില് മാഞ്ചസ്റ്റര് സിറ്റിക്ക് തകര്പ്പന് ജയം. മാഞ്ചസ്റ്റര് യൂണൈറ്റഡിന്റെ തട്ടകമായ ഓള്ഡ് ട്രാഫോഡില് ആതിഥേയരെ 3-1നാണ് സിറ്റി സെമിഫൈനലിന്റെ ആദ്യപാദത്തില് തോല്പ്പിച്ചത്. കളിയുടെ എല്ലാ മേഖലയിലും സിറ്റി മുന്നിട്ടു നിന്നു. ബെര്ണാഡോ സില്വയുടെ അത്ഭുതകരമായ ഗോളും റിയാദ് മഹറേസിന്റെ നിസ്സാരമെന്ന് തോന്നിക്കുന്ന ഫിനിഷും, അതിനുപുറകേ ആന്ദ്രയാസ് പെരേരയുടെ സെല്ഫ് ഗോളും ചേര്ന്നതോടെ സിറ്റി ആധികാരിക ജയം നേടി.
കളിയുടെ 17-ാം മിനിറ്റില് സില്വയുടെ വകയായിരുന്നു ആദ്യ ഗോള്. 33-ാം മിനിറ്റില് റിയാദ് മഹ്റസ് സിറ്റിക്കായി രണ്ടാം ഗോള് നേടി. അഞ്ചുമിനിറ്റിനകം ആന്ദ്രയാസിന്റെ പിഴവ് സെല്ഫ് ഗോളില് കലാശിച്ചതോടെ സിറ്റി ആദ്യ പകുതിയില്ത്തന്നെ 3-0ന് മുന്നിലെത്തി. രണ്ടാം പകുതിയുടെ 70-ാം മിനിറ്റില് യുണൈറ്റഡിനായി മാര്ക്കസ് റാഷ്ഫോഡാണ് ആശ്വാസ ഗോള് നേടിയത്. ആദ്യപാദ സെമിക്ക് ശേഷം ഇരുടീമുകളും ഈ മാസം 29ന് വീണ്ടും ഏറ്റുമുട്ടും. രണ്ടാംപാദ സെമി നാളെ നടക്കും. ഇന്ത്യന് സമയം പുലര്ച്ചെ 1.30നാണ് ലെസ്റ്റര് സിറ്റി ആസ്റ്റണ് വില്ലയെ നേരിടുന്നത്.
