എല്ലാവര്ക്കും ഏറെ ഇഷ്ടമുള്ള ഒന്നാണ് പോപ്കോണ്. തിയറ്ററില് സിനിമ കാണുമ്പോഴും ടിവി കാണുമ്പോഴുമെല്ലാം നാം പോപ്കോണ് കൊറിക്കാറുണ്ട്. എന്നാല് പോപ്കോണ് പല്ലിനിടയില് കുടുങ്ങിയ യുവാവിന്റെ അനുഭവം എല്ലാവരെയും ഞെട്ടിച്ചിരിക്കുകയാണ്.
പോപ്കോണ് കഴിക്കുന്നതിനിടെയാണ് ഒരു കഷ്ണം പല്ലിനിടയില് കുടുങ്ങിയത്. പലതരം വസ്തുക്കള് ഉപയോഗിച്ച് മൂന്ന് ദിവസം ശ്രമിച്ചിട്ടും പല്ലില് കുടുങ്ങിയ പോപ്കോണ് എടുക്കാന് കഴിഞ്ഞില്ല. ടൂത്ത് പിക്, പേനയുടെ അടപ്പ്, വയറിന്റെ കഷ്ണം, ഇരുമ്പാണി എന്നിവയെല്ലാം എടുത്താണ് യുവാവ് പല്ലില് കുത്തിയത്. എന്നാല് നിരന്തരം പല്ലില് പലവിധ സാധനങ്ങള് ഉപയോഗിച്ച് കുത്തിയതോടെ യുവാവിന്റെ മോണയില് അണുബാധ ഉണ്ടാകുകയും വൈകാതെ അത് എന്ഡോകാര്ഡൈറ്റിസ് എന്ന അവസ്ഥയിലേക്ക് എത്തുകയും ചെയ്തു.
മോണയെ ബാധിച്ച അണുബാധ രക്തത്തിലുടനീളം പടര്ന്നതിനെ തുടര്ന്നാണ് ഹൃദയത്തെ ബാധിച്ചത്. തലവേദനയും വിയര്പ്പും ക്ഷീണവുമൊക്കെയായി ഒരാഴ്ച്ച കഴിച്ചുകൂട്ടിയെങ്കിലും ഭേദമാകാതെ വന്നപ്പോള് യുവാവ് ആശുപത്രിയില് പ്രവേശിച്ചു. തുടര്ന്ന് നടത്തിയ പരിശോധനയിലാണ് അണുബാധ മൂലം ഹൃദയത്തിന് തകരാര് സംഭവിച്ചുവെന്ന് കണ്ടെത്തിയത്. ഹൃദയവാല്വ് മാറ്റിവെയ്ക്കുന്ന വളരെ സങ്കീര്ണമായ ഒരു ശസ്ത്രക്രിയയ്ക്ക് ശേഷമാണ് യുവാവ് സുഖം പ്രാപിച്ചത്. മരണത്തിന്റെ വക്കില് നിന്നും ജീവിതത്തിലേക്ക് തിരികെ എത്തിയതാണെന്നാണ് യുവാവ് പറയുന്നത
