മുംബൈ: കരിയറിലെ ഏറ്റവം മികച്ച ഫോമിലാണ് ഇന്ത്യന് നായകന് വിരാട് കോഹ്ലി. പോയവര്ഷം നിരവധി റെക്കോര്ഡുകളാണ് കോഹ്ലി സ്വന്തം പേരില് കുറിച്ചത്. ഇപ്പോഴിതാ സാക്ഷാല് സച്ചിന് ടെണ്ടുല്ക്കറുടെ പേരിലുള്ള അപൂര്വ്വ റെക്കോര്ഡാണ് കോഹ്ലിക്കു മുന്നില് തിരുത്തപ്പെടാന് ഒരുങ്ങുന്നത്.
ഓസ്ട്രേലിയയുമായി നടക്കുന്ന ഏകദിന പരമ്പരയില് ഒരു സെഞ്ച്വറി നേടാനായാല് ഇന്ത്യന് മണ്ണില് ഏറ്റവും കൂടുതല് ഏകദിന സെഞ്ച്വറികള് സ്വന്തമാക്കിയ താരമെന്ന സച്ചിന് ടെണ്ടുല്ക്കറുടെ റെക്കോര്ഡിന് ഒപ്പമെത്താന് കോഹ്ലിക്കാകും. നിലവില് 20 സെഞ്ച്വറികളാണ് സച്ചിന്റെ പേരിലുള്ളത്. 19 സെഞ്ച്വറികളുമായി കോഹ്ലിയാണ് രണ്ടാം സ്ഥാനത്ത്.
അതേസമയം, ഏകദിന ക്രിക്കറ്റില് ഏറ്റവും കൂടുതല് സെഞ്ച്വറികള് നേടിയ താരമെന്ന സച്ചിന്റെ റെക്കോര്ഡും കോഹ്ലിക്കു മുന്നില് ഈ വര്ഷം തന്നെ തകര്ന്നു വീഴുമെന്നാണ് ക്രിക്കറ്റ് വിദഗ്ധര് അഭിപ്രായപ്പെടുന്നത്. നിലവില് 49 സെഞ്ച്വറികളാണ് സച്ചിന്റെ അക്കൗണ്ടിലുള്ളത്. 43 സെഞ്ച്വറികളുമായി കോഹ്ലി തന്നെയാണ് രണ്ടാമത്.
