തിരുവനന്തപുരം: രഞ്ജി ട്രോഫി ക്രിക്കറ്റിൽ കേരളത്തിന് തകർപ്പൻ ജയം. പഞ്ചാബിനെ 21 റൺസിനാണ് കേരളം തകർത്തത്. ഏഴ് വിക്കറ്റുമായി തിളങ്ങിയ ജലജ് സക്സേനയാണ് കേരളത്തിന് അനായാസ ജയം സമ്മാനിച്ചത്.
146 റൺസ് വിജയലക്ഷ്യവുമായി ഇറങ്ങിയ പഞ്ചാബ് ഇന്നിംഗ്സ് 124 റൺസിൽ അവസാനിക്കുകയായിരുന്നു. ആദ്യ ഇന്നിംഗ്സിൽ ഏഴ് വിക്കറ്റെടുത്ത എം.ഡി.നിഥീഷ് ഒരു വിക്കറ്റെടുത്തപ്പോൾ സിജോമോൻ ജോസഫ് രണ്ട് വിക്കറ്റ് വീഴ്ത്തി.
മുൻനിര ബാറ്റ്സ്മാൻമാർ കാര്യമായ സംഭാവനകൾ നൽകാതെ മടങ്ങിയപ്പോൾ വാലറ്റത്ത് ഒമ്പതാം വിക്കറ്റിൽ മായങ്ക് മാർക്കണ്ടേയും സിദ്ധാർത്ഥ് കൗളും പിടിച്ചു നിന്നു. മാർക്കണ്ടേ 23 റൺസും കൗൾ 22 റൺസ് നേടി.
തുടർതോൽവിയിൽ ഉഴറിയിരുന്ന കേരളത്തിന് ഏറെ ആശ്വാസം നൽകുന്നതാണ് ഇന്നത്തെ വിജയം.
