ഹൊബാര്ട്ട്: ഇന്ത്യന് ടെന്നീസ് വനിതാ താരം സാനിയ മിര്സ തന്റെ തിരിച്ചുവരവ് ജയത്തോടെ ആഘോഷമാക്കി. ഓസ്ട്രേലിയയിലെ ഹൊബാര്ട്ട് ടെന്നീസ് മത്സരത്തിലാണ് സാനിയ തന്റെ ഡബിള്സ് മത്സരം തന്നെ ജയിച്ച് ക്വാര്ട്ടറും കടന്ന് സെമിയിലേക്ക് മുന്നേറിയത്. ലോക ടെന്നീസ് അസോസിയേഷന് ടൂര്ണ്ണമെന്റിലെ സീസണിലെ ആദ്യത്തേതാണ് ഹൊബാര്ട്ട്.
ഉക്രെയിനിന്റെ നാദിയാ കിച്ചേനോകാണ് സാനിയയുടെ പങ്കാളി. ക്വാര്ട്ടറില് അമേരിക്കയുടെ വാനിയാ കിംഗ് ക്രിസ്ററീന മക്കേല് സഖ്യത്തെ 6-2, 4-6, 10-4 നാണ് സാനിയ-കിച്ചേനോക് സഖ്യം തോല്പ്പിച്ചത്.
നാലാം റൗണ്ടിലേക്ക് നേരിട്ട് പ്രവേശനം കിട്ടിയ സാനിയാ സഖ്യം
ജോര്ജിയയുടെ ഒക്സാനാ കലാഷ്നികോവാ-ജപ്പാന്റെ മിയൂ കാറ്റോ സഖ്യത്തെയാണ് തകര്ത്ത് ക്വാര്ട്ടറില് കടന്നത്. 2-6, 7-6(3),10-3 നാണ് സാനിയാ സഖ്യം ജയിച്ചത്.
പ്രസവത്തിനായി ടെന്നീസ് കോര്ട്ട് വിട്ട സാനിയ രണ്ടുവര്ഷത്തിന് ശേഷമാണ് കോര്ട്ടിലെത്തുന്നത്. സെമിയില് സിദാന്സെക്-ബുസ്കോവാ സഖ്യമാണ് എതിരാളികള്.
