ചെന്നൈ: ബിസിസിഐയുടെ വാര്ഷിക കരാറില് നിന്നും ഒഴിവാക്കിയതോടെ പ്രചരിക്കുന്ന അഭ്യൂഹങ്ങള്ക്കിടെ പുതിയ വെളിപ്പെടുത്തലുമായി ചെന്നൈ സൂപ്പര് കിംഗ്സ്. ഇന്ത്യക്കു വേണ്ടി കളിച്ചാലും ഇല്ലെങ്കിലും 2021 ഐപിഎല്ലിലും ധോണി ടീമിലുണ്ടാകുമെന്ന് ചെന്നൈ സൂപ്പര് കിംഗ്സ് ഉടമകളില് ഒരാളും മുന് ബിസിസിഐ പ്രസിഡന്റുമായ എന്. ശ്രീനിവാസന് പറഞ്ഞു.
‘എന്നാണ് ധോണി വിരമിക്കുക, എത്ര കാലം അദ്ദേഹം ഇനി കളിക്കും തുടങ്ങി നിരവധി ചോദ്യങ്ങളാണ് ആരാധകരുടെ മനസിലുള്ളത്. അദ്ദേഹം കളിക്കും. അക്കാര്യത്തില് നിങ്ങള്ക്ക് ഞാന് ഉറപ്പു നല്കുന്നു. അടുത്ത വര്ഷം അദ്ദേഹം ലേലത്തില് ഉണ്ടാകും. ചെന്നൈ ധോണിയെ തിരികെ ടീമിലെത്തിക്കുകയും ചെയ്യും’. ശ്രീനിവാസന് പറഞ്ഞു.
2008ലെ ഉദ്ഘാടന മത്സരം മുതല് ധോണി ചെന്നൈ സൂപ്പര് കിംഗ്സിന്റെ ഭാഗമാണ്. ചെന്നൈക്ക് സസ്പെന്ഷന് ലഭിച്ചതോടെ രണ്ട് സീസണില് ധോണി റൈസിംഗ് പൂനെക്കു വേണ്ടിയാണ് കളിച്ചത്. ധോണിക്കു കീഴില് മൂന്ന് തവണയാണ് ചെന്നൈ കിരീടം ചൂടിയത്.
