ബംഗളൂരു: 9000 ക്ലബ്ബിലിടംപിടിച്ച് ഇന്ത്യൻ ഓപ്പണർ രോഹിത് ശർമ്മ. ഓസ്ട്രേലിയയ്ക്കെതിരായ മൂന്നാത്തെ ഏകദിനത്തിൽ നാല് റൺസ് നേടിയതോടെയാണ് രോഹിത് നേട്ടം സ്വന്തമാക്കിയത്. ഈ നേട്ടം സ്വന്തമാക്കുന്ന ഇരുപതാമത്തെ താരവും ഏഴാമത്തെ ഇന്ത്യൻ താരവുമാണ് രോഹിത്.
217 ഇന്നിംഗ്സുകളിൽ നിന്നാണ് രോഹിത് 9000 റൺസ് പൂർത്തിയാക്കിയത്. സച്ചിൻ, ദ്രാവിഡ്, ഗാംഗുലി, അസ്ഹറുദ്ദീൻ, ധോണി, കോഹ് ലി എന്നിവരാണ് ഏകദിനത്തിൽ 9000 ക്ലബ്ബിലെത്തിയ മറ്റ് ഇന്ത്യൻ താരങ്ങൾ.
ഓസിസിനെതിരായ രണ്ടാം ഏകദിനത്തിൽ മറ്റൊരു നേട്ടം കൂടി രോഹിത് സ്വന്തമാക്കിയിരുന്നു. സച്ചിൻ, ഗാംഗുലി, സേവാഗ് എന്നിവർക്കൊപ്പം എലൈറ്റ് ലിസ്റ്റിലിടം പിടിച്ചിരുന്നു രോഹിത്. മൂവർ സംഘത്തിന് ശേഷം ഏകദിനത്തിൽ ഓപ്പണറായി ഏഴായിരം റൺസ് തികക്കുന്ന താരമെന്ന നേട്ടമായിരുന്നു ഹിറ്റ്മാൻ സ്വന്തമാക്കിയത്.
