പ്രമുഖ ചൈനീസ് വാഹന നിര്മ്മാതാക്കളായ മോറിസ് ഗാരേജിന്റെ രണ്ടാമത്തെ വാഹനം ഇന്ത്യന് വിപണിയിലെത്തി. ZS എന്നു പേരിട്ടിരിക്കുന്ന ഇലക്ട്രോണിക് വാഹനമാണ് എംജി ഇന്ത്യന് വിപണിയിലെത്തിച്ചിരിക്കുന്നത്. എക്സൈറ്റ്, എക്സ്ക്ലൂസീവ് എന്നീ രണ്ട് വേരിയന്റുകളിലാണ് വാഹനം ലഭ്യമാകുക.
44.5 കിലോവാട്ട് ലിക്വിഡ് കൂള് ബാറ്ററിയാണ് വാഹനത്തില് ഉപയോഗിച്ചിരിക്കുന്നത്. അരമണിക്കൂറിനുള്ളില് 80 ശതമാനം ചാര്ജാകുന്നതിനായി ഫാസ്റ്റ് ചാര്ജിംഗ് ടെക്നോളജയാണ് വാഹനത്തില് ഉപയോഗിച്ചിരിക്കുന്നത്. 143 എച്ച്പി കരത്തും 353 എന്എം ടോര്ക്കുമാണ് എഞ്ചിന് ഉത്പ്പാദിപ്പിക്കുക. 155 കിലോ മീറ്ററാണ് വാഹനത്തിന്റെ പരമാവധി വേഗത. 0-100 വേഗത കൈവരിക്കാന് 8.2 സെക്കന്ഡുകള് മതിയെന്നാണ് കമ്പനി അവകാശപ്പെടുന്നത്. ഒറ്റ ചാര്ജില് 340 കിലോ മീറ്റര് വരെ സഞ്ചരിക്കാമെന്നതാണ് വാഹനത്തിന്റെ മറ്റൊരു സവിശേഷത.
കഴിഞ്ഞ വര്ഷം ഡിസംബര് 21നാണ് വാഹനത്തിന്റെ ബുക്കിംഗ് ആരംഭിച്ചത്. 19.88 ലക്ഷം മുതല് 22.58 ലക്ഷം രൂപ വരെയാണ് വാഹനത്തിന്റെ വില. നിലവില് ബുക്ക് ചെയ്തവര്ക്ക് മാത്രമേ ഈ വിലയില് ലഭ്യമാകുകയുള്ളൂ.