മെല്ബണ്: സെറീനാ വില്യംസ് ഓസ്ട്രേലിയന് ഓപ്പണില് നിന്നും പുറത്തായി.27-ാം സീഡ് ചൈനയുടെ വാങ് ഖുവാങ്ങാണ് സെറീനയെ അട്ടിമറിച്ചത്.23 തവണ ഗ്രാന്ഡ്സ്ലാം കീരിടജേതാവിനെ മൂന്ന് സെറ്റ് നീണ്ട പോരാട്ടത്തിലാണ് കീഴടക്കിയത്.
ഇത്തവണത്തെ ഓസ്ട്രേലിയന് ഓപ്പണിലെ ഏറ്റവും വലിയ അട്ടിമറിയാണ് സെറീനയുടെ തോല്വി. മൂന്ന് തവണ സെറീനയുടെ സര്വ്വ് ബ്രേക്ക് ചെയ്ത ഖുവാങ്് കഴിഞ്ഞ സീസണിലെ യുഎസ് ഓപ്പണിലേറ്റ പരാജയത്തിന് കണക്കുതീര്ത്തു. സ്ക്കോര് : 6-4,6-7,7-5
ആദ്യറൗണ്ടില് പുറത്തായ വീനസ് വില്യംസിന് ശേഷം ഇളയ സഹോദരി സെറീനയും പുറത്തായതോടെ വില്യംസ് സഹോദരിമാരുടെ കുതിപ്പിന് വിരാമമായി.അമേരിക്കന് താരങ്ങളില് ഇനി കൗമാര പ്രതിഭയായ കോകോ ഗൗഫാണ് ടൂര്ണ്ണമെന്റിലെ കറുത്ത കുതിരയായി മാറാന് സാധ്യത.
