മുംബൈ: പുതുതലമുറ റേഞ്ച് റോവര് ഇവോക്കിന്റെ അവതരണം ജാഗ്വാര് ലാന്ഡ് റോവര് ഇന്ത്യ പ്രഖ്യാപിച്ചു. ഉയര്ന്ന സ്പെസിഫിക്കേഷന് ഉള്ള എസ് സ്പോര്ട്ടിയര് ആര് – ഡൈനാമിക് എസ് ഇ ഡെറിവേറ്റീവ് എന്നീ മോഡലുകളില് ലഭ്യമാകുന്ന പുതിയ റേഞ്ച് റോവര് ഇവോക്ക് BS-VI കംപ്ലയന്റ് 132 kW ഇന്ജിനീയം ടര്ബോ ചാര്ജ്ഡ് ഡീസല് പവര് ട്രെയിനും 184 kW ഇന്ജിനീയം ടര്ബോ ചാര്ജ്ഡ് പെട്രോള് പവര് ട്രെയ്നും സഹിതമാണെത്തുന്നത്. 48-വോള്ട്ട് മൈല്ഡ് ഹൈബ്രിഡ് സിസ്റ്റം ഓപ്ഷനുമുണ്ടായിരിക്കും.
റേഞ്ച് റോവര് വേലാറില് ആദ്യമായി അവതരിപ്പിച്ച പുതിയ ഡിസൈന് രീതിയില് നിന്നുള്ള ഘടകങ്ങള് കൊണ്ടാണ് പുതിയ റേഞ്ച് റോവര് ഇവോക് രൂപകല്പ്പന ചെയ്തിട്ടുള്ളത്. സവിശേഷായ രൂപത്തിന്റെ കൂടുതല് പരിഷ്ക്കരിച്ച മോഡലാണ് ഒതുക്കമുള്ള എസ് യുവി. വ്യത്യസ്തമായ ഫാസ്റ്റ് റൂഫ് ലൈന് മിനുസമുള്ള കാഴ്ചയ്ക്ക് മാറ്റുകൂട്ടുകയും ചെയ്യുന്നു.
ഇവോക്കിന്റെ നവീകരിച്ച ഉള്വശം ആഡംബരം നിറഞ്ഞതാണെങ്കിലും മിതമായ ഡിസൈനില് രൂപകല്പ്പന ചെയ്തിരിക്കുന്നതാണ്. കൃത്യമായ ക്രമീകരിച്ച പ്രതലങ്ങളും ക്യുറേറ്റഡ് പ്രീമിയം വസ്തുക്കളുമുപയോഗിച്ച് ചിട്ടയോടെയും ഭംഗിയോടെയുമുള്ള രൂപകല്പ്പനയുടെ സംയോജനമാണ് വാഹനത്തിലുള്ളത്. വിശാലമായ ഇന്റീരിയറും പരമാവധി സ്പേസ് നല്കുന്ന നിര്മ്മിതിയും സഹിതം പുതിയ കോംപാക്ട് എസ് യു വി ആഡംബരം നിറഞ്ഞ ഇന്റീരിയര് ഓഫറിംഗുകളുടെ പുതിയ മാനദണ്ഡം സ്ഥാപിക്കുന്നു.
യാത്രകളില് മറ്റുള്ളവരുമായി ബന്ധിപ്പിക്കുകയും വിവരങ്ങളും വിനോദങ്ങളും ലഭ്യമാക്കുന്ന സംയോജിത സാങ്കേതികവിദ്യകളുടെ നിര സജ്ജമാക്കിയാണ് ഇവോക്ക് എത്തുന്നത്. ആര്-ഡൈനാമിക് എസ്ഇയില് ലഭ്യമാകുന്ന ടച്ച് പ്രോ ഡ്യുവോ, മുകളിലെ ടച്ച് സ്ക്രീനും താഴെയുള്ള ടച്ച് സ്ക്രീനെയും ഒന്നിപ്പിക്കുന്നു. സ്റ്റിയറിംഗ് വീലിനു പിറകിലായുള്ള ഇന്ററാക്ടീവ് ഡ്രൈവര് ഡിസ്പ്ലേ ഡ്രൈവിംഗിനെ കുറിച്ചുള്ള നിരവധി വിവരങ്ങളും ആക്ടീവ് സുരക്ഷാ വിവരങ്ങള്, ഹോളിസ്റ്റിക് മീഡിയ കണ്ട്രോള് എന്നിവയും നല്കുന്നു.
എച്ച് ഡി വീഡിയോ സ്ക്രീനായി മാറുന്ന ‘ക്ലിയര്സൈറ്റ് റിയര്-വ്യൂ മിറര്’ ഈ വിഭാഗത്തില് ആദ്യമായി ഇവോക്കില് അവതരിപ്പിക്കുന്നു. യാത്രക്കാരോ മറ്റുള്ള വസ്തുക്കള് മൂലമോ പിന്ഭാഗത്തെ കാഴ്ച തടസപ്പെടുകയാണെങ്കില് ഡ്രൈവര് മിററിന്റെ താഴെയുള്ള സ്വിച്ച് അമര്ത്തിയാല് കാറിന് മുകള് ഭാഗത്ത് നിന്ന് ക്യാമറ ഉയര്ന്നു വരികയും വാഹനത്തിന്റെ പിന്നില് നടക്കുന്ന ദൃശ്യങ്ങള് ഹൈ ഡെഫിനിഷനില് ഡിസ്പ്ലേ ചെയ്യുകയും ചെയ്യും. വീതിയേറിയ കാഴ്ചയും കുറഞ്ഞ പ്രകാശത്തിലും മികച്ച വിസിബിലിറ്റിയും നല്കുന്നതാണ് സ്ക്രീന്.
54.94 ലക്ഷം രൂപയാണ് പുതിയ റേഞ്ച് റോവർ ഇവോക്കിന്റെ ഇന്ത്യയിലെ പ്രാരംഭ വില