ബോര്ണിയോ: മനുഷ്യനെ സഹായിക്കാന് പലപ്പോഴും മൃഗങ്ങള് എത്താറുണ്ട്. അത്തരത്തില് നിരവധി വീഡിയോകള് സാമൂഹ്യ മാദ്ധ്യമങ്ങളിലൂടെ പ്രചരിക്കാറുമുണ്ട്. അങ്ങനെയുള്ള ഒരു ചിത്രമാണ് ഇപ്പോള് സാമൂഹ്യ മാദ്ധ്യമങ്ങളില് തരംഗമാകുന്നത്. ചെളിയില് കുടുങ്ങിയ മനുഷ്യന് സഹായ ഹസ്തവുമായെത്തിയ ഒറാങ്ങുട്ടാനാണ് ചിത്രത്തിലെ താരം. ബോര്ണോയിയലെ ഒറാങ്ങുട്ടാന് സംരക്ഷിത കേന്ദ്രത്തിലാണ് സംഭവം. സംരക്ഷിത കേന്ദ്രത്തിലെ ഒരു ജീവനക്കാരനെ സഹായിക്കാന് തന്റെ കരം നീട്ടി നല്കുകയാണ് ഒറാങ്ങുട്ടാന്.
ഒറാങ്ങുട്ടാന്റെ സ്വൈര്യ വിഹാരത്തിനായി പാമ്പുകളെ ഒഴിവാക്കുന്ന പ്രവര്ത്തിയില് ഏര്പ്പെട്ടിരുന്ന ജീവനക്കാരന് ജോലിക്കിടെ ചെളിയില് അകപ്പെട്ടു. ഈ ജീവനക്കാരനെ സഹായിക്കാനാണ് ഒറാങ്ങുട്ടാന് തന്റെ കൈകള് നീട്ടിയത്. എന്നാല് ജീവനക്കാരന് ഒറാങ്ങുട്ടാന്റെ സഹായം സ്വീകരിച്ചില്ല.
ബോര്ണിയയില് സഫാരിക്കെത്തിയ അനില് പ്രഭാകര് എന്നയാളാണ് ഈ ദൃശ്യങ്ങള് ക്യാമറയില് പകര്ത്തിയത്. ഇത്തരത്തില് ഒരു അപൂര്വ്വ ദൃശ്യം ശ്രദ്ധയില് പെട്ട ഉടന് തന്നെ ക്യാമറയില് പകര്ത്തുകയായിരുന്നുവെന്ന് അനില് പറഞ്ഞു. വന്യജീവിയായിരുന്നതിനാലാണ് താന് ഒറാങ്ങുട്ടാന്റെ സഹായം നിരസിച്ചതെന്ന് ജീവനക്കാരന് പറഞ്ഞു.
