ജോഹന്നാസ്ബര്ഗ് : ന്യൂസിലാന്റിനെതിരെ തുടര്ച്ചയായി രണ്ടാം ഏകദിനത്തിലും പരാജയപ്പെട്ട ഇന്ത്യന് ടീമിന് മുന് പാക് താരം ഷൊഐബ് അക്തറിന്റെ ഉപദേശവും ചീത്തവിളിയും. ഇന്ത്യ രണ്ടുകളികളിലും പരാജയം ചോദിച്ചുവാങ്ങിക്കുകയാണ് ചെയ്യുന്നതെന്നാണ് അക്തര് വിമര്ശിച്ചത്. എതിരാളികളെ ഓള് ഔട്ടാക്കാതെ കളി ജയിക്കാമെന്നതാണോ ഇന്ത്യയുടെ തന്ത്രമെന്നും അക്തര് ചോദിച്ചു.
187 ന് 7 എന്ന നിലയില് ന്യൂസിലാന്റിനെ തകര്ത്തിട്ടും അവസാനക്കാരെ പുറത്താക്കാന് പറ്റാതിരുന്നതാണ് ഇന്ത്യക്ക് വിനയായത്. ഏറ്റവും അപകടകാരിയായ റോസ് ടെയ്ലറെ പുറത്താക്കാനുള്ള തന്ത്രങ്ങളും ഇന്ത്യ ഇനിയും പയറ്റാത്തതും അക്തര് ചൂണ്ടിക്കാട്ടി.
‘ഇത്തരം ദയനീയമായ കളിയിലൂടെ ഏകദിനങ്ങള് നിങ്ങള്ക്ക് ജയിക്കാനാകില്ല. ബൗളര്മാരാണ് കുറ്റക്കാര്’ ലോകോത്തര പേസ് ബൗളറായ അക്തര് ചൂണ്ടിക്കാട്ടി.
‘ ടെയ്ലറുടെ ഇംന്നിംഗ്സിന് മറുപടി നല്കാനാര്ക്കുമായില്ല. ഒരു ടീമിന്റെ 7-8 പേരെ വരെ പുറത്താക്കിയിട്ടും കളി വിജയിക്കാന് അവര്ക്കാവാതിരുന്നത് തന്നെ അല്ഭുതപ്പെടുത്തുന്നു. ഇന്ത്യക്ക് ശക്തനായ ഒരു പേസ് ബൗളറില്ലെന്നത് ഞാന് വീണ്ടും ആവര്ത്തിക്കുന്നു. മധ്യനിരയില് ആ കുറവുണ്ട്. കുല്ദീപിന് പകരം ചാഹല് വന്നെങ്കിലും വിക്കറ്റ് വീഴ്ത്താന് പറ്റിയ ഒരാളുടെ കുറവ് ശരിക്കും കാണാനുണ്ട്’ അക്തര് പറഞ്ഞു.
