Sports

പൃഥ്വി ഷാ 0, മായങ്ക് 1, പന്ത് 7, സാഹ 0, ശുഭ്മൻ ഗിൽ ഗോൾഡൻ ഡക്ക്; കിവീസിന് മുന്നിൽ പതറി ഇന്ത്യൻ യുവനിര; രണ്ടക്കം കടന്നത് മൂന്ന് പേർ മാത്രം; കരകയറ്റി വിഹാരിയും പൂജാരയും

ഹാമിൽട്ടൻ: ന്യൂസിലൻഡ് ഇലവനുമായുള്ള ത്രിദിന സന്നാഹ മത്സരത്തിൽ തകർന്നടിഞ്ഞ് ഇന്ത്യൻ യുവനിര. ടീമിൽ രണ്ടക്കം കടന്നത് വെറും മൂന്ന് പേർ മാത്രമാണ്. നാല് പേർ പൂജ്യത്തിൽ തന്നെ പുറത്തായി. ഹനുമ വിഹാരിയും ചേതേശ്വർ പൂജാരയും ചേർന്നാണ് ഇന്ത്യയെ കരകയറ്റിയത്. ഇന്ത്യ ആദ്യ ഇന്നിംഗ്സിൽ 263 ന് പുറത്തായി.

ഓപ്പണിംഗിലേ ഇന്ത്യൻ താരങ്ങൾക്ക് താളം കണ്ടെത്താനായില്ല. പ്രിഥ്വി ഷാ റൺസൊന്നുമെടുക്കാതെ മടങ്ങി. പിന്നാലെ മായങ്ക് അഗർവാൾ ഒരു റൺസുമായി കൂടാരം കയറി. ചേതേശ്വർ പൂജാര അർദ്ധ സെഞ്ച്വറിയുമായി ചെറുത്തു നിന്നു. പിന്തുണയുമായി ഹനുമ വിഹാരിയും നിന്നതോടെ ഇന്ത്യൻ സ്കോർ ഉയർന്നു. പൂജാര 93 റൺസെടുത്ത് പുറത്തായപ്പോൾ വിഹാരി 101 റൺസെടുത്തു.

അതിനിടയിലെത്തിയ ശുഭ്മൻ ഗിൽ നേരിട്ട ആദ്യ പന്തിൽ തന്നെ മടങ്ങി. അജിങ്ക്യ രഹാനെ 18 റൺസെടുത്തപ്പോൾ ഋഷഭ് പന്ത് ഏഴും വൃദ്ധിമാൻ സാഹയും രവിചന്ദ്രൻ അശ്വിനും റൺസൊന്നുമെടുക്കാതെയും മടങ്ങി. അവസാനം ഉമേഷ് യാദവും രവീന്ദ്ര ജഡേജയും ചെറുത്ത് നിൽപ്പിനായി ശ്രമിച്ചെങ്കിലും കാര്യമായ സംഭാവന നൽകാൻ അവർക്കും കഴിഞ്ഞില്ല. ജഡേജ എട്ട് റൺസെടുത്ത് പുറത്തായപ്പോൾ ഉമേഷ് 9 റൺസുമായി പുറത്താകാതെ നിന്നു.

39 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close