മെല്ബണ്: ലോകം ഇന്ന് കൊറോണ വൈറസ് ബാധയെക്കുറിച്ചുള്ള ഭീതിയിലാണ്. ലോകമെമ്പാടും കൊറോണ പടര്ന്നു പിടിക്കുമ്പോള് എങ്ങനെ വൈറസ് ബാധയില് നിന്നും രക്ഷപ്പെടാം എന്നതാണ് ഓരോരുത്തരുടേയും ചിന്ത. കൊറോണയില് നിന്ന് രക്ഷപ്പെടാന് മാസ്ക് ധരിച്ച് യാത്ര ചെയ്യുന്നവരെ നാം കണ്ടിട്ടുണ്ട്.
എന്നാല് കൊറോണ പേടിയില് പ്ലാസ്റ്റിക് കൊണ്ട് ദേഹമാസകലം മൂടിക്കെട്ടി യാത്ര ചെയ്യുന്നവരെ കണ്ടിട്ടുണ്ടോ. അത്തരത്തിലുള്ള ഒരു വീഡിയോയാണ് ഇപ്പോള് സാമൂഹ്യ മാദ്ധ്യമങ്ങളില് വൈറലാകുന്നത്. പ്ലാസ്റ്റിക് കോട്ട് കൊണ്ട് ദേഹമാസകലം മൂടിക്കെട്ടി വിമാനത്തില് യാത്ര ചെയ്യുന്ന ദമ്പതിമാരെയാണ് വീഡിയോയില് കാണുന്നത്. ഓസ്ട്രേലിയയിലാണ് സംഭവം.
പ്ലാസ്റ്റിക് റെയിന് കോട്ടും കയ്യുറയും മാസ്കും ധരിച്ചാണ് ഇരുവരുടേയും യാത്ര. അലീസ് എന്ന യുവതിയാണ് വീഡിയോ ട്വിറ്ററിലൂടെ പുറത്തു വിട്ടിരിക്കുന്നത്. ഫ്ളൈറ്റില് തന്റെ തൊട്ടുപുറകില് ഇരിക്കുന്നവര് എന്ന കുറിപ്പോടെയായിരുന്നു യുവതി ട്വീറ്റ് പങ്കു വെച്ചത്. നിരവധി പേര് സാമൂഹ്യ മാദ്ധ്യമങ്ങളിലൂടെ ഇതിനോടകം തന്നെ ഈ വീഡിയോ കണ്ടുകഴിഞ്ഞു. നിരവധി പേര് ദമ്പതിമാരുടെ പ്രവൃത്തിക്കെതിരെ വിമര്ശനവുമായി രംഗത്തെത്തുകയും ചെയ്തിട്ടുണ്ട്.
Currently behind me on the plane. When you super scared of #coronavirus #COVID2019 pic.twitter.com/iOz1RsNSG1
— alyssa (@Alyss423) February 19, 2020