മംഗളൂരു: കാളയോട്ടമത്സരത്തിലെ വേഗതയിലൂടെ ഉസൈന് ബോള്ട്ടിന്റെ റെക്കോഡ് മറികടന്ന പ്രകടനത്തില് അമിത പ്രതീക്ഷവേണ്ടന്ന് കായിക വിദഗ്ധര്.കാളയോട്ട മത്സരത്തിലെ നിരവധി ഇനങ്ങളിലെ വ്യത്യസ്തപ്രകടനങ്ങള് വിലയിരുത്തിയാണ് അഭിപ്രായം. കമ്പളയിലെ പ്രകടനത്തില് നൂറു മീറ്ററിലെ സമയം മാത്രം കണക്കാക്കിയാണ് ഗൗഡയെ വിലയിരുത്തിയത്. എന്നാല് തുടര്ന്നുള്ള മത്സരങ്ങളിലെ വേഗം കുറഞ്ഞതും പ്രകടനത്തിലെ ഏറ്റകുറച്ചിലും ഗൗഡക്ക് റെക്കോഡ് സമയം നിലനിര്ത്താന് പറ്റിയിട്ടില്ലെന്നതും അധികൃതര് ചൂണ്ടിക്കാട്ടി.
കമ്പളക്ക് ശേഷം പൈവളികെയില് നടന്ന മത്സരങ്ങളില് ഗൗഡ പങ്കെടുത്ത നാലിനങ്ങളിലെ പ്രകടനമാണ് വിലയുരുത്തിയത്.142 മീറ്റര് കമ്പളയില് ആകെ ഓടിയതിലെ 100 മീറ്ററില് രേഖപ്പെടുത്തിയ സമയമാണ് ഉസൈന് ബോള്ട്ടിന്റെ സമയത്തെ വെല്ലുന്നതായത്. ആകെ 142 മീറ്റര് അന്ന് പൂര്ത്തിയാക്കിയത് 13.42 സെക്കന്റിലാണ്. എന്നാല് പിന്നീട് 131 മീറ്റര് പാടത്ത് 12.47,13.11, 12.94, 12.51 എന്ന നിലയിലാണ് കാളയോട്ടത്തില് ഗൗഡയുടെ സമയം.
കാളയോട്ടത്തില് മനുഷ്യനൊപ്പം കാളകളുടെ പ്രായം പ്രധാനഘടകമാണ്. ഓട്ടത്തിന്റെ വേഗവും അതിനനുസരിച്ച് വ്യത്യാസപ്പെടും.അതിലനാല് കാളയോട്ടത്തിലെ പ്രകടനത്തിനപ്പുറം ഗൗഡയില് നിന്ന് വലിയ പ്രതീക്ഷ വെ്ക്കരുതെന്നും അല്ലാതെ ഓടുന്ന ശീലവും വ്യത്യസ്ത സാഹചര്യവും പരിശീലിച്ചാല് മാത്രമേ അത്ലറ്റിക്സ് പോലുള്ള മേഖലയില് ശോഭിക്കാനാകൂ എന്നും കായിക വിദഗ്ധര് വിലയിരുത്തുന്നു.
