ടൂറിന്: ഇറ്റാലിയന് ലീഗായ സിരി എയില് ഭേദപ്പെട്ട പ്രകടനം പുറത്തെടുക്കുന്നുണ്ടെങ്കിലും ക്രിസ്റ്റിയാനോ റൊണാള്ഡോയുടെ ഫോമില് ആരാധകര് ആശങ്കയിലാണ്. മുന്കാല ക്ലബ്ബായ റയല് മാഡ്രിഡിന് വേണ്ടി പുറത്തെടുത്തിരുന്ന പ്രകടനം വെച്ച് താരതമ്യം ചെയ്യുകയാണെങ്കില് യുവന്റസില് താരം ശരാശരി പ്രകടനം മാത്രമാണ് പുറത്തെടുക്കുന്നത്.
തുടര്ച്ചയായി 38 ഫ്രീ കിക്കുകളാണ് റൊണാള്ഡോ യുവന്റസിനു വേണ്ടി എടുത്തത്. എന്നാല് ഒരെണ്ണം പോലും ഗോളാക്കാന് താരത്തിനു കഴിഞ്ഞില്ലെന്നു മാത്രമല്ല, 24 എണ്ണവും പ്രതിരോധക്കോട്ടയെ മറികടന്നതുമില്ല. 11 എണ്ണം ഗോളി സേവ് ചെയ്തു. ഒരെണ്ണം ക്രോസ് ബാറില് തട്ടിപ്പോയപ്പോള് രണ്ടെണ്ണം പുറത്തുപോയി. ഇതോടെ പ്രതാപകാലത്തെ റോണോയെ ആരാധകര്ക്ക് നഷ്ടപ്പെട്ടു തുടങ്ങിയിരിക്കുകയാണെന്നാണ് വിലയിരുത്തല്.
നിലവില് 21 മത്സരങ്ങളില് നിന്നും 21 ഗോളുകള് നേടി റൊണാള്ഡോ ഗോളടി മികവ് തുടരുന്നുണ്ട്. കഴിഞ്ഞ 11 മത്സരങ്ങളില് നിന്നാണ് റൊണാള്ഡോ 16 ഗോളുകള് നേടിയിരിക്കുന്നത്. ചാമ്പ്യന്സ് ലീഗില് ലിയോണിനോട് യുവന്റസ് പരാജയപ്പെട്ടിരുന്നു. അടുത്ത മത്സരം സ്വന്തം തട്ടകമായ ടൂറിനിലാണ് നടക്കുകയെന്നത് യുവന്റസിന് പ്രതീക്ഷ നല്കുന്നുണ്ട്.
