ക്രൈസ്റ്റ്ചര്ച്ച്: ന്യൂസിലാന്റിനെതിരെ ആദ്യ ടെസ്റ്റിലെ തോല്വി മറക്കാന് ഇന്ത്യ അതി കഠിനമായ പരിശീലനത്തില്. പുതിയ മാര്ഗ്ഗങ്ങളാണ് പരിശീലനത്തില് സ്വീകരി ച്ചിരിക്കുന്നത്. കഴിഞ്ഞ ഒരാഴ്ചയായി ഒരോ താരങ്ങളെ പ്രത്യേകിച്ചും ടീമായും പരിശീലിപ്പിച്ചു. ടര്ബോ ടച്ച് എന്ന പേരിലുള്ള പരിശീലന രീതിയാണ് നടത്തുന്നത്. പരിശീലിപ്പിക്കുന്നതിന്റെ വീഡിയോ ദൃശ്യങ്ങള് ഇതിനോടകം വൈറലായിക്കഴിഞ്ഞു. ബിസിസിഐയുടെ ട്വിറ്ററിലാണ് വീഡിയോ ഇട്ടിരിക്കുന്നത്.
Presenting #TeamIndia's new training drill – 'Turbo Touch' 🔥💪 – by @RajalArora pic.twitter.com/s5APbTNJIB
— BCCI (@BCCI) February 28, 2020
ടീമിന്റെ പരിശീലക വിഭാഗത്തിലെ ശാരീരിക വ്യായാമ വിഭാഗമാണ് ടര്ബോ ടച്ചിന്റെ ഉപജ്ഞാതാവ്. പ്രത്യേക തരത്തിലുള്ള ഗ്രൗണ്ട് ഗെയിമുകളാണ് ആവിഷ്ക്കരിച്ചത്. കളിക്കാരുടെ ക്ഷമത വര്ധിപ്പിക്കാലാണ് ലക്ഷ്യം. രണ്ടു ടീമുകളാക്കി തിരിച്ച് ബേസ്സ്ബോള് മോഡലില് പന്ത് അതിവേഗം കൈമാറി നിശ്ചിത സ്ഥലത്തെത്തിക്കണം. രണ്ടു തവണ മാത്രമേ ഒരാള്ക്ക് പന്ത് കൈമാറാന് പാടുള്ളു. അതിനനുസരിച്ച പലരിലേക്കും കൈമാറി ഗോളാക്കണം.
ടെന്നീസ് ബോള് പോലുള്ള മൃദുവായ പന്തുകളാണ് ഈ പരിശീലനത്തില് ഉപയോഗിക്കുന്നത്. അതിവേഗം കൈമാറുന്ന കളിയില് താരങ്ങളുടെ ശാരിരിക ചലനങ്ങളുടെ വേഗതയും ദിശയും മാറുന്നതിനാല് ക്ഷമതകൂടുമെന്നും പരിശീലകര് ചൂണ്ടിക്കാട്ടുന്നു. രണ്ടാം ടെസ്റ്റില് കിവീസിനെതിരെ കൂറേക്കൂടി ശക്തമായ രീതിയില് കളിക്കാന് പുതിയ പരിശീലനം ഉപകരിക്കുമെന്നാണ് മുഖ്യ പരിശീലകനായ രവിശാസ്ത്രി കരുതുന്നത്.
