തിരുവനന്തപുരം: കൊറോണ വൈറസ് ഭീഷണി നിലനില്ക്കുന്നതിനാല് എല്ലാ പരിപാടികളും നിര്ത്തി വെക്കണമെന്ന് കേരള ക്രിക്കറ്റ് അസോസിയേഷന്. ജില്ലാ ക്രിക്കറ്റ് അസോസിയേഷനുകള്ക്ക് ഇതു സംബന്ധിച്ച നിര്ദ്ദേശം നല്കിയിട്ടുണ്ട്. കൊറോണ വൈറസ് ബാധക്കെതിരായ മുന്കരുതല് നടപടിയെന്ന നിലയിലാണ് തീരുമാനം.
പുതിയ നിര്ദ്ദേശത്തിന്റെ പശ്ചാത്തലത്തില് കോച്ചിംഗ് ക്യാമ്പുകളും ലീഗ് മത്സരങ്ങളും ഉള്പ്പെടെയുള്ള മത്സരങ്ങള് ഈ മാസം ഉണ്ടാകില്ല. ഇതിനു പുറമെ പ്രാക്ടീസ് നെറ്റുകള്, സെലക്ഷന് ട്രയലുകള്, ഗ്രൂപ്പ് ഒത്തുചേരല് തുടങ്ങിയ എല്ലാ പരിപാടികളും ഈ മാസം 31 വരെ നടത്തരുതെന്നാണ് നിര്ദേശം.
അക്കാദമി ഹോസ്റ്റലുകള്, ജിംനേഷ്യം, ഫിറ്റ്നസ് സെന്ററുകള് എന്നിവയുടെ പ്രവര്ത്തനങ്ങളും താത്ക്കാലികമായി നിര്ത്തിവയ്ക്കണമെന്ന് കേരള ക്രിക്കറ്റ് അസോസിയേഷന് പ്രസിഡന്റ് സജന് കെ വര്ഗീസ്, സെക്രട്ടറി അഡ്വ. ശ്രീജിത്ത് വി നായര് എന്നിവര് അറിയിച്ചു.
