ധര്മശാല: ഇന്ത്യയും ദക്ഷിണാഫ്രിക്കയും തമ്മിലുള്ള ഏകദിന പരമ്പരയിലെ ആദ്യമത്സരം മഴമൂലം ഉപേക്ഷിച്ചു.ധര്മശാലയില് ഉച്ചക്ക് ആരംഭിക്കേണ്ടിയിരുന്ന മത്സരം വൈകിട്ട് 5.30 വരെ മഴശമിക്കാത്തതിനാല് ഉപേക്ഷിക്കുകയായിരുന്നു. മഴ മാറിയാല് ടോസ്സ് ഇടുന്നത് വൈകിട്ട് 6.30നാക്കാനായിരുന്നു മാച്ച് റഫറിയുടെ ഉദ്ദേശം. രണ്ടാം മത്സരം 15-ാം തിയതി ഞായറാഴ്ച ലഖ്നൗവിലാണ് നടക്കുക
ന്യൂസിലാന്റിനെതിരായ പരമ്പര നഷ്ടത്തിന് ശേഷം പ്രതാപം വീണ്ടെടുക്കാനുള്ള അവസരമാണ് ഇന്ത്യക്കുള്ളത്. ദക്ഷിണാഫ്രിക്കയാകട്ടെ ഓസ്ട്രേലിയക്കെതിരെ ഏകദിനപരമ്പര നേടിയ വീര്യത്തിലാണ് ഇന്ത്യയിലെത്തിയിരിക്കുന്നത്. കഴിഞ്ഞതവണ ഇന്ത്യക്കെതിരെ നേരിട്ട തോല്വിക്ക് പകരം വീട്ടാനുള്ള നല്ല അവസരമായിട്ടാണ് ദക്ഷിണാഫ്രിക്ക പരമ്പരയെ കാണുന്നത്.
