ലണ്ടന്: ഓള് ഇംഗ്ലണ്ട് ബാഡ്മിന്റണ് കിരീടങ്ങള് വിക്ടര് അക്സെല്സണും തായ് സൂ യിന്നിനും. പുരുഷ വിഭാഗത്തില് ഡെന്മാര്ക്കിന്റെ വിക്ടര് തോല്പ്പിച്ചത് ചൈനയുടെ ചൗ തീന് ചെന്നിനെയായിരുന്നു. സ്കോര്: 21-13,21-14.
സെമിയില് വിക്ടര് ചൈനയുടെ ലീ സീ ജിയെ ഒന്നിനെതിരെ രണ്ട് ഗെയിമുകള്ക്കാണ് തോല്പ്പിച്ചത്. ചൈനയുടെ ചൗ തീനിന്റെ എതിരാളി ആന്ഡേഴ്സ് പരിക്കേറ്റു പിന്മാറിയ തിനാല് ചൗ നേരിട്ട് കലാശപോരാട്ടത്തിന് യോഗ്യത നേടുകയായിരുന്നു.
വനിതകളുടെ പോരാട്ടത്തില് രണ്ടാം സീഡ് തായാലന്റിന്റെ തായ് സൂ യിംഗ് നിലവിലെ ചാമ്പ്യന് ടോപ്പ് സീഡ് ചൈനയുടെ ചെന് യൂഫീയെ 21-19, 21-15 നാണ് തായ് താരം തോല്പ്പിച്ചത്. തായ് താരത്തിന്റെ മൂന്നാം ഓള് ഇംഗ്ലണ്ട് ഓപ്പണ് കിരീടമാണിത്.
മിക്സഡ് ഡബിള്സില് ജപ്പാന്റെ യൂകി ഫുകുഷീമാ-സയാകാ ഹിരോതാ സഖ്യം ചൈനയുടെ ഡൂ യൂ- ലിന് യിന്ഹൂയി സഖ്യത്തെ തോല്പ്പിച്ച് കിരീടം ചൂടി. സ്കോര്: 21-13, 21-15. പുരുഷ വിഭാഗം ഡബിള്സിലും ജപ്പാന് തന്നെയാണ് കിരീടം ചൂടിയത്. ഹിരോയികി-യുആതാ സഖ്യം മാര്ക്കസ്-കെവിന് സഖ്യത്തെ 21-18, 12-21, 21-19 എന്ന സ്കോറിനാണ് മറികടന്നത്.
