ന്യൂഡല്ഹി: ബോക്സിംഗ് താരം മേരികോം കൊറോണ മാനദണ്ഡങ്ങള് ലംഘിച്ചതായി പരാതി. കൊറോണ പ്രതിരോധത്തിന്റെ ഭാഗമായി നിര്ബന്ധിത ക്വാറന്റൈന് പാലിക്കേണ്ട സമയത്താണ് അന്താരാഷ്ട്ര ബോക്സിംഗ് താരം മേരികോം പൊതുപരിപാടികളില് പങ്കെടുത്തിരിക്കുന്നതെന്നാണ് റിപ്പോര്ട്ട്. രാഷ്ട്രപതി രാംനാഥ് കോവിന്ദ് പങ്കെടുത്ത ഒരു യോഗത്തില് മേരി കോം പങ്കെടുത്തതായാണ് വിവരം.
വിദേശത്തുനിന്നും ഏഷ്യന് യോഗ്യതാ മത്സരവും മറ്റ് യാത്രകളും കഴിഞ്ഞെത്തുന്ന എല്ലാ കായികതാരങ്ങളും സ്വയം നിരീക്ഷണത്തില് കഴിയണമെന്ന നിര്ദ്ദേശം മേരികോം ലംഘി ച്ചിരിക്കുകയാണ്. ഏഷ്യാ ഓഷ്യാനിയ ബോക്സിംഗ് മത്സരം കഴിഞ്ഞ് ഈ മാസം 13-ാം തിയതിയാണ് മേരികോം നാട്ടിലെത്തിയത്. രാഷ്ട്രപതി പങ്കെടുത്ത പരിപാടി 18-ാം തിയതിയാണ് നടന്നത്.
