ലോക്ക് ഡൗണ് എന്ന് വാക്ക് ഈ അടുത്ത സമയത്താണ് നമുക്ക് പരിചിതമായത്. എന്താണ് ലോക്ക് ഡൗണ് എന്നതിനെ കുറിച്ച് പലര്ക്കും കൃത്യമായ ധാരണയില്ല. ജനങ്ങള് ഒരു പ്രദേശത്ത് നിന്നും പുറത്ത് പോകാതിരിക്കാന് എടുക്കുന്ന അടിയന്തിര പെരുമാറ്റച്ചട്ടമാണ് ലോക്ക് ഡൗണ്. എവിടെയാണ് നിങ്ങള് അവിടെ തന്നെ തുടരണമെന്നാണ് ലോക്ക് ഡൗണ് കൊണ്ട് ഉദ്ദേശിക്കുന്നത്. നിങ്ങള് താമസിക്കുന്ന കെട്ടിടത്തില് നിന്നോ പ്രദേശത്ത് നിന്നോ മാറാന് നിങ്ങള്ക്ക് അനുമതി ഉണ്ടാകില്ല.
അവശ്യ സാധന സര്വ്വീസുകളെ ലോക്ക് ഡൗണ് ബാധിക്കാറില്ല. ഫാര്മസികള്, പലചരക്ക് കടകള്, പച്ചക്കറി കടകള്, ബാങ്കുകള് എന്നിവയുടെ സേവനം ലോക്ക് ഡൗണ് സമയത്ത് നിര്ത്തിവെയ്ക്കാറില്ല. ആവശ്യമില്ലാത്ത എല്ലാ സര്വ്വീസുകളും പരിപാടികളും ആഘോഷങ്ങളുമെല്ലാം ഈ കാലയളവില് പൂര്ണമായും നിര്ത്തി വെയ്പ്പിക്കും.
പഴം, പച്ചക്കറി, കുടിവെള്ളം, പലചരക്ക്, കാലിത്തീറ്റ എന്നിവയുടെ വിതരണം അവശ്യ സര്വ്വീസുകളില് ഉള്പ്പെടുന്നു. ഭക്ഷ്യോത്പാദന കേന്ദ്രങ്ങള്, പമ്പ് നടത്തിപ്പുകാര്, അരി മില്ലുകള്, പാല്, ഉത്പന്ന ഉത്പാദന വിതരണ കേന്ദ്രങ്ങള്, ഫാര്മസി, മരുന്ന്, ആരോഗ്യ കേന്ദ്രങ്ങള്, ടെലികോം, ഇന്ഷുറന്സ്, ബാങ്ക്, എടിഎം, പോസ്റ്റ് ഓഫീസ്, ഭക്ഷ്യ ധാന്യങ്ങളുടെ ഗോഡൗണുകള് എന്നിവയുടെ പ്രവര്ത്തനങ്ങള്ക്ക് ലോക് ഡൗണ് ബാധകമായിരിക്കില്ല.
ലോക്ക് ഡൗണ് നിര്ദ്ദേശങ്ങള് ലംഘിച്ചാല് ഒരു മാസം തടവും പിഴയുമാണ് ശിക്ഷ. ആശുപത്രി, ഫാര്മസി എന്നിങ്ങനെയുള്ള അടിയന്തിര ആവശ്യങ്ങള് നിറവേറ്റാന് തടസം ഉണ്ടാകില്ല. ഗതാഗത സംവിധാനങ്ങള് പരിമിതപ്പെടുത്തിയതിനാല് കടകളില് സ്റ്റോക്കുകള് കുറവായിരിക്കും. അതിനാല് ആവശ്യ സാധനങ്ങള് മാത്രം വാങ്ങാന് ശ്രദ്ധിക്കണം.