ലോകം ഇന്ന് കൊറോണ ഭീതിയിലാണ്. കൊറോണ വൈറസ് വ്യാപനം എങ്ങനെ തടയാമെന്ന പരിശ്രമത്തിലാണ് ലോകരാജ്യങ്ങള്. ജനങ്ങളില് അവബോധം സൃഷ്ടിക്കുന്നതിനായി സാമൂഹ്യ മാദ്ധ്യമങ്ങളില് പല വീഡിയോകളും പ്രത്യക്ഷപ്പെടാറണ്ട്. അത്തരത്തിലൊരു വീഡിയോയാണ് ഇപ്പോള് സാമൂഹ്യ മാദ്ധ്യമങ്ങളില് വൈറലാകുന്നത്.
പാട്ടുപാടി ബോധവത്കരണെ നടത്തുന്ന പൊലീസ് ഉദ്യോഗസ്ഥയാണ് വീഡിയോയിലെ താരം. ബംഗളൂരു അസിസ്റ്റന്റ് പൊലീസ് കമ്മീഷണര് തബാരക് ഫാത്തിമയാണ് ബോധവത്ക്കരണത്തിനായി വ്യത്യസ്ത മാര്ഗം കണ്ടെത്തിയത്. സിറ്റി പൊലീസിന്റെ ഔദ്യോഗിക ഇന്സ്റ്റഗ്രാം പേജിലാണ് വീഡിയോ പങ്കുവെച്ചിരിക്കുന്നത്. കൊറോണയെ കുറിച്ചും ലോക്ക് ഡൗണിനെ കുറിച്ചും പറ്റി ആളുകളോട് വിശദീകരിക്കുന്നതാണ് വീഡിയോയില് ഉള്ളത്.
ഹം ഹോഗേ കമിയാബ് എന്ന ഹിന്ദി ഗാനം ഓര്മ്മയുണ്ടോയെന്ന് ആളുകളോട് ചോദിച്ചു കൊണ്ടാണ് എസിപി പാട്ട് പാടുന്നത്. പിന്നാലെ പ്രദേശത്ത് ഉണ്ടായിരുന്നവരും അവര്ക്കൊപ്പം ഏറ്റുപാടി. പാട്ടിന്റെ യഥാര്ത്ഥ വരികള്ക്ക് പകരം മാസ്ക് ധരിക്കാനും വീട്ടിലിരിക്കാനും കൈകഴുകുന്നതിന്റെ പ്രധാന്യത്തെ കുറിച്ചുമൊക്കെയാണ് എസിപി പാടുന്നത്. നിരവധി പേര് ഇതിനോടകം തന്നെ വീഡിയോ ഏറ്റെടുത്തു കഴിഞ്ഞു. വീഡിയോ പങ്കുവെച്ച് നിമിഷങ്ങള്ക്കുള്ളില് നിരവധി പേരാണ് എസിപിയെ അഭിനന്ദിച്ച് രംഗത്തെത്തിയത്.
