ലോകം ഇന്ന് കൊറോണ ഭീതിയിലാണ്. ലോകരാജ്യങ്ങളില് കൊറോണ വൈറസ് പടര്ന്നു പിടിച്ചു കൊണ്ടിരിക്കുകയാണ്. കൊറോണ വൈറസിനെ നേരിടാനുള്ള പ്രധാനപ്പെട്ട ഒരു മാര്ഗമാണ് രോഗ പ്രതിരോധ ശേഷി വര്ധിപ്പിക്കുക എന്നത്. രോഗ പ്രതിരോധ ശേഷി ഉണ്ടെങ്കില് എല്ലാത്തരം രോഗങ്ങളേയും നമുക്ക് തടയാന് കഴിയും. രോഗ പ്രതിരോധ ശേഷി വര്ധിപ്പിക്കാന് ചെയ്യേണ്ട കാര്യങ്ങള് എന്തൊക്കെയെന്ന് നോക്കാം.
ആരോഗ്യകരമായ ജീവിത ശൈലി നിലനിര്ത്തിയാല് രോഗ പ്രതിരോധ ശേഷി വര്ധിക്കും. രോഗ പ്രതിരോധ ശേഷി വര്ധിക്കുന്നതില് പ്രധാന പങ്കു വഹിക്കുന്നത് നാം കഴിക്കുന്ന ആഹാരമാണ്. നാം കഴിക്കുന്ന ഭക്ഷണം സമീകൃതവും എളുപ്പം ദഹിക്കുന്നതും ആകണം.
ഭക്ഷണത്തില് എപ്പോഴും പഴങ്ങളും പച്ചക്കറികളും ഉള്പ്പെടുത്താന് ശ്രദ്ധിക്കണം. വിറ്റാമിന് എ, വിറ്റാമിന് സി, വിറ്റാമിന് ഡി, ധാതുലവണങ്ങളായ സെലേനിയം, സിങ്ക് എന്നിവ അടങ്ങിയ ഭക്ഷണം കഴിക്കണം.
കാരറ്റ്, ബീറ്റ്റൂട്ട്, മത്തന്, തക്കാളി, ഇലക്കറികള്, നേന്ത്രപ്പഴം, ഓറഞ്ച്, മുസംബി, പപ്പായ, പേരക്ക, സ്ട്രോബറി എന്നിവയില് ധാരാളം വിറ്റാമിന് എ അടങ്ങിയിട്ടുണ്ട്. മൂന് മുട്ട, പാല് എന്നിവ ഭക്ഷണത്തില് ഉള്പ്പെടുത്താനും ശ്രദ്ധിക്കണം. ചെറുനാരങ്ങ, മുന്തിരി, നെല്ലിക്ക എന്നിവയും രോഗ പ്രതിരോധ ശേഷി വര്ധിപ്പിക്കും. ദിവസവും മൂന്ന് നാല് ലിറ്റര് വെള്ളം കുടിക്കണം. ഇത് ശരീരത്തിന്റെ നിര്ജലീകരണം തടയുകയും ടോക്സിനുകള് ഒഴിവാക്കുകയും ചെയ്യും. നാരാങ്ങാവെള്ളം, കരിക്കിന് വെള്ളം, മോര്, ഇഞ്ചി ചേര്ത്ത വെള്ളം എന്നിവ കുടിക്കുന്നത് നല്ലതാണ്.
പയറു വര്ഗങ്ങള് നട്സുകള്, ബദാം എന്നിവ കഴിയ്ക്കുന്നത് പ്രയോജനപ്രദമാണ്.
