കൊറോണ വൈറസിനെ ചെറുക്കാനുള്ള വളരെ പ്രധാനപ്പെട്ട ഒന്നാണ് രോഗ പ്രതിരോധ ശേഷി. പോഷക ഗുണമുള്ള ഭക്ഷണം കഴിച്ച് രോഗപ്രതിരോധ ശേഷി വര്ധിപ്പിക്കുന്നതാണ്. കൊറോണയെ പ്രതിരോധിക്കാന് എന്തൊക്കെ ഭക്ഷണം കഴിക്കാമെന്ന കാര്യത്തെ കുറിച്ചാണ് ഇപ്പോള് പലരും ചര്ച്ച ചെയ്യുന്നത്. വൈറ്റമിന് എ, ഡി, ബി, സി, ഇ സെലീനിയം എന്നിവ അടങ്ങിയ ഭക്ഷണങ്ങള് രോഗ പ്രതിരോധ ശേഷി വര്ധിപ്പിക്കും. രോഗ പ്രതിരോധ ശേഷി വര്ധിപ്പിക്കാന് കഴിക്കേണ്ട ആഹാര സാധനങ്ങള് എന്തൊക്കെയാണെന്ന് നോക്കാം.
രോഗപ്രതിരോധ ശേഷി വര്ധിപ്പിക്കുന്നതിന് കുരുമുളകിന്റെ പ്രാധാന്യം വളരെ വലുതാണ്. വിറ്റാമിന് സി കുരുമുളകില് ധാരാളം അടങ്ങിയിട്ടുണ്ട്. ചുമ, ജലദോഷം എന്നീ അസുഖങ്ങള്ക്ക് കുരുമുളക് നല്ലതാണ്. ശരീരത്തിലെ മെറ്റബോളിസത്തിന്റെ റേറ്റ് ഉയര്ത്താനും കുരുമുളക് സഹായിക്കും. ദഹന പ്രശ്നങ്ങള്ക്കും കുരുമുളക് മികച്ചതാണ്.
രോഗ പ്രതിരോധ ശേഷി വര്ധിപ്പിക്കാന് സഹായിക്കുന്ന ഒന്നാന്തരം വീട്ടു മരുന്നാണ് വെളുത്തുള്ളി. പനിയും, ജലദോഷവും വരാതെ ശരീരത്തെ സംരക്ഷിക്കാന് കഴിയുന്ന വെളുത്തുള്ളി പതിവായി തേന് ചേര്ത്ത് കഴിക്കുന്നത് വൈറസ് രോഗങ്ങളെ തടയും.
രോഗപ്രതിരോധ ശേഷി വര്ധിപ്പിക്കാനുള്ള ഏറ്റവും മികച്ച വസ്തുക്കളില് ഒന്നാണ് മഞ്ഞള്. മഞ്ഞളില് അടങ്ങിയിരിക്കുന്ന കുര്ക്കുമിന് എന്ന ഘടകത്തില് ആന്റി ബാക്ടീരിയല്, ആന്റി സെപ്റ്റിക് എന്നീ ഗുണങ്ങള് അടങ്ങിയിട്ടുണ്ട്. പെട്ടെന്നുള്ള കാലാവസ്ഥാ വ്യതിയാനം മൂലം രോഗം വരാനുള്ള സാധ്യത കൂടുതലാണ്. താപനില തണുപ്പില് നിന്നും പെട്ടെന്ന് ചൂടിലേക്ക് മാറുമ്പോള് പനിയും ജലദോഷവുമൊക്കെ വരാറുണ്ട്. എന്നാല് മഞ്ഞള് ഉപയോഗം അണുബാധയെ ചെറുക്കുകയും പനിയും ജലദോഷവും അകറ്റുകയും ചെയ്യും. മഞ്ഞളിലെ ആന്റി വൈറല് ഗുണങ്ങളാണ് രോഗപ്രതിരോധ ശേഷി വര്ധിപ്പിക്കുന്നത്.
പച്ചക്കറികള്, പപ്പായ, ഇലക്കറികള്, പഴവര്ഗങ്ങള്, പയറുവര്ഗങ്ങള്, എന്നിവ ഭക്ഷണത്തില് ഉള്പ്പെടുത്താന് ശ്രദ്ധിക്കണം.