ജക്കാര്ത്ത: ലോകകായികരംഗത്തെ നിശ്ചലാവസ്ഥ തുടരുന്നു. ബാഡ്മിന്റണ് രംഗത്തെ സുപ്രധാന ടൂര്ണ്ണമെന്റായ ഇന്തോനേഷ്യന് ഓപ്പണ് അടക്കം എല്ലാ ടൂര്ണ്ണമെന്റുകളും റദ്ദാക്കിയതായി ഇന്തോനേഷ്യ അറിയിച്ചു. ജൂണ് മാസം 16 മുതല് ഒരാഴ്ചക്കാലമാണ് പ്രസിദ്ധമായ ഇന്തോനേഷ്യന് ഓപ്പണ് നടക്കേണ്ടിയിരുന്നത്. ലോക ബാഡ്മിന്റണിലെ മൂന്ന് സുപ്രധാന സൂപ്പര്-1000 പരമ്പരയിലെ ഒന്നാണ് ഇന്തോനേഷ്യന് ഓപ്പണ്.
ആള് ഇംഗ്ലണ്ട് ഓപ്പണ്, സൂപ്പണ്സീരീസിലെ ചൈന ഓപ്പണ് എന്നിവയുടെ കാര്യവും അനിശ്ചിതത്വത്തിലാണ്. ഇവ മാറ്റിവയ്ക്കുന്ന കാര്യവും ഇതുവരെ തീരുമാനമായിട്ടില്ല. ബാഡ്മിന്റണ് മേഖലയില് മത്സരങ്ങള് നടത്തേണ്ടിയിരുന്ന ഓസ്ട്രേലിയ, തായ്ലാന്റ്, റഷ്യ എന്നിവടത്തെ മത്സരങ്ങളും അടുത്ത മൂന്ന് മാസത്തേക്ക് മാറ്റിയിരിക്കുകയാണ്.
മത്സരങ്ങള് നടക്കാത്തതും ഒളിമ്പിക്സ് അടുത്ത വര്ഷത്തേക്ക് മാറ്റിയതും താരങ്ങളുടെ റാങ്കിംഗിനെ ബാധിക്കാതിരിക്കാന് മരവിപ്പിച്ചതായി കഴിഞ്ഞയാഴ്ച ലോക ബാഡ്മിന്റന് ഫെഡറേഷന് അറിയിച്ചിരുന്നു. കൊറോണ കാലത്ത് നടന്ന ആള് ഇംഗ്ലണ്ട് ഓപ്പണിനിടെ കൊറോണ ഭീതി പരത്തിയിരുന്നു. തായ്പരിശീലക സംഘത്തിലെ ഒരാള്ക്കുണ്ടായ കൊറോണ ബാധ ഇന്ത്യന് താരങ്ങളെയടക്കം സ്വയം നിരീക്ഷണത്തിലേക്ക് എത്തിച്ചിരുന്നു.