വിരട്ടി ഓടിക്കാന്‍ മാത്രമല്ല; സ്‌നേഹിക്കാനും അറിയാം; ഒരു വയസുകാരിയ്‌ക്ക് പിറന്നാള്‍ സമ്മാനമായി കേക്ക് എത്തിച്ചു കൊടുക്കുന്ന പൊലീസ് ഉദ്യോഗസ്ഥര്‍; വൈറലായി വീഡിയോ

വിലക്ക് ലംഘിച്ച് പുറത്തിറങ്ങുന്നവരെ വിരട്ടിയോടിക്കുകയും വാഹനങ്ങള്‍ കസ്റ്റഡിയിലെടുക്കുകയും ചെയ്യുന്ന പൊലീസുകാരെ നമുക്ക് സുപരിചിതമാണ്. എന്നാല്‍ ലോക്ക് ഡൗണില്‍ അകപ്പെട്ട് കഴിയുന്നവര്‍ക്ക് സഹായ ഹസ്തവുമായി എത്തുന്ന പൊലീസുകാരും ഇവര്‍ക്കിടയില്‍ ഉണ്ട്. അത്തരത്തിലുള്ള ഒരു സംഘം പൊലീസ് ഉദ്യോഗസ്ഥനാണ് ഇപ്പോള്‍ സാമൂഹ്യ മാദ്ധ്യമങ്ങളില്‍ വൈറലാകുന്നത്.

ലോക്ക് ഡൗണില്‍ കുടുങ്ങിയ ഒരു വയസുകാരിയ്‌ക്ക് പിറന്നാള്‍ സമ്മാനമായി കേക്ക് എത്തിച്ച് നല്‍കിയിരിക്കുകയാണ് ഈ പൊലീസ് ഉദ്യോഗസ്ഥര്‍. പഞ്ചാബിലാണ് സംഭവം. ആറ്റുനോറ്റുണ്ടായ കുഞ്ഞികണ്‍മണിയുടെ പിറന്നാള്‍ കേക്ക് മുറിച്ച് ആഘോഷിക്കണമെന്നായിരുന്നു രക്ഷിതാക്കളുടെ ആഗ്രഹം.

എന്നാല്‍ കൊറോണ വൈറസ് വ്യാപനം തടയുന്നതിനായി രാജ്യത്ത് ലോക്ക് ഡൗണ്‍ പ്രഖ്യാപിച്ചിരിക്കുന്നതിനാല്‍ രക്ഷിതാക്കള്‍ക്ക് വീടിന് പുറത്ത് പോകാനോ കേക്ക് വാങ്ങാനോ കഴിഞ്ഞില്ല. തുടര്‍ന്നാണ് മാനസാ ജില്ലയിലെ പൊലീസ് ഉദ്യോഗസ്ഥര്‍ കുഞ്ഞിന് കേക്ക് എത്തിച്ചു നല്‍കിയത്. കേക്ക് എത്തിച്ച് നല്‍കി കുഞ്ഞിന് ജന്മദിനാശംസകളും നേര്‍ന്ന ശേഷമാണ് പൊലീസ് ഉദ്യോഗസ്ഥര്‍ മടങ്ങിയത്. പങ്കുവെച്ച് നിമിഷങ്ങള്‍ക്കകം വീഡിയോ വൈറലായിരിക്കുകയാണ്. പൊലീസുകാരുടെ പ്രവര്‍ത്തിയെ അഭിനന്ദിച്ച് നിരവധി പേര്‍ രംഗത്തെത്തുകയും ചെയ്തു.

Punjab police delivered cake to the house of a 1-year-old girl whose family was unable to go out for shopping due to ongoing lockdown and curfew.

Mayra was conveyed birthday wishes on behalf of the Mansa district police and presented with other celebration materials. WoooooW. pic.twitter.com/Sy3Y7g2j3Q

— kamaljit sandhu (@kamaljitsandhu) April 18, 2020