മെല്ബണ്: കൊറോണ വൈറസ് വ്യാപിക്കുന്ന സാഹചര്യത്തില് വീട്ടില് തന്നെയാണ് കായിക താരങ്ങളെല്ലാം. വീട്ടില് സമയം ചെലവഴിക്കാനായി വേറിട്ട മാര്ഗങ്ങളാണ് താരങ്ങള് സ്വീകരിക്കുന്നത്. അത്തരത്തില് ടിക്ക് ടോക്ക് വീഡിയോയും ലൈവ് ചാറ്റുമൊക്കെയായി കൊറോണക്കാലം വീട്ടില് അടിച്ചു പൊളിക്കുകയാണ് ഓസ്ട്രേലിയന് ക്രിക്കറ്റ് താരം ഡേവിഡ് വാര്ണര്.
കുടുംബത്തോടൊപ്പമാണ് അദ്ദേഹം ടിക്ക് ടോക്ക് വീഡിയോകള് ചെയ്യുന്നത്. ഭാര്യയും മകളുമൊത്തുള്ള അദ്ദേഹത്തിന്റെ മിക്ക വീഡിയോകളും സാമൂഹ്യ മാദ്ധ്യമങ്ങള് ഏറ്റെടുത്തു കഴിഞ്ഞു. ഇപ്പോള് മറ്റൊരു വീഡിയോയുമായി എത്തിയിരിക്കുകയാണ് താരം.
തെലുങ്ക് നടന് അല്ലു അര്ജുന്റെ സിനിമയായ അല വൈകുന്ദപുരമുലു എന്ന സിനിമയിലെ ബുട്ടബൊമ്മ ബുട്ടബൊമ്മ എന്ന ഗാനത്തിന് ചുവടുവെയ്ക്കുന്ന വാര്ണറിനേയും ഭാര്യ കാന്ഡൈസ് വാര്ണറിനേയുമാണ് വീഡിയോയില് കാണുന്നത്. മകള് ഇവി മേ ഇവര്ക്ക് പിന്നിലൂടെ ഓടിക്കളിക്കുന്നതും വീഡിയോയില് ഉണ്ട്.
പങ്കുവെച്ച് നിമിഷങ്ങള്ക്കകം തന്നെ വീഡിയോ വൈറലായിരിക്കുകയാണ്. നിരവധി പേര് ഇതിനോടകം തന്നെ വീഡിയോ കണ്ടു കഴിഞ്ഞു.
മകളുമൊത്ത് ഡാന്സ് കളിക്കുന്ന ഡേവിഡ് വാര്ണറിന്റെ വീഡിയോ കഴിഞ്ഞ ദിവസങ്ങളില് പുറത്തുവന്നിരുന്നു. ഹിന്ദി സിനിമയായ തീസ് മാര് ഖാനിലെ ഷീലാ കീ ജവാനി ഗാനത്തിന് ചുവടുവെയ്ക്കുന്ന വാര്ണറിന്റേയും മകളുടേയും വീഡിയോ സാമൂഹ്യ മാദ്ധ്യമങ്ങളില് വൈറലായിരുന്നു.
