നമുക്കെല്ലാം സുപരിചിതമായ ഒന്നാണ് കൂണ് അഥവാ മഷ്റൂം. മുതിര്ന്നവര്ക്കും കുട്ടികള്ക്കും ഒരുപോലെ പ്രിയങ്കരമായ കൂണിന് നിരവധി ആരോഗ്യ ഗുണങ്ങള് ഉണ്ട്. മാംസാഹരത്തിന് പകരം വെയ്ക്കാന് കൂണിനോളം കഴിവുള്ള മറ്റൊരു ഭക്ഷണം ഇല്ല. പ്രോട്ടീന് അമിനോ ആഡിഡ്, ആന്റി ഓക്സിഡന്റുകള്, എന്നിവ കൂണില് ധാരാളം അടങ്ങിയിട്ടുണ്ട്. ഹൃദ്രോഗ സാധ്യത കുറയ്ക്കാനും രക്തസമ്മര്ദ്ദം നിയന്ത്രിക്കാനും കൂണിന് കഴിവുണ്ട്.
ശരീരകലകളുടെ നിര്മ്മാണം, പരിപാലനം എന്നിവയ്ക്ക് കൂണ് അത്യുത്തമമാണ്. ഹൃദയ ധമനികള്, രക്തക്കുഴല് എന്നിവയിലെ കൊഴുപ്പ് നീക്കം ചെയ്യാനും കൂണ് സഹായിക്കും. മറ്റുള്ള പച്ചക്കറികളുടെ നാരുകളില് നിന്നും ഏറെ മെച്ചപ്പെട്ടതാണ് കൂണിന്റെ നാരുകള്. പ്രമേഹം, കൊളസ്ട്രോള് എന്നിവയ്ക്കും കൂണ് കഴിക്കുന്നത് നല്ലതാണ്. കാന്സര് അകറ്റാനും കൂണ് സഹായിക്കും.
രോഗപ്രതിരോധ ശേഷി വര്ധിപ്പിക്കാനും കൂണിന് കഴിവുണ്ട്. കൂണില് അടങ്ങിയിട്ടുള്ള ആന്റി ഓക്സിഡന്റുകള് പനി, ജലദോഷം എന്നിവയില് നിന്നും സംരക്ഷണം നല്കുന്നു. ശരീരഭാരം കുറയ്ക്കാന് ആഗ്രഹിക്കുന്നവര് കൂണ് കഴിക്കുന്നത് പ്രയോജനപ്രദമാണ്. കീണില് അടങ്ങിയിട്ടുള്ള നിയാസിന്, സെലിനിയം എന്നീ പോഷകങ്ങള് ശരീരഭാരം കുറയ്ക്കാന് സഹായിക്കും.
