ബംഗളൂരു: കൊറോണ വൈറസിനെതിരെയുള്ള പോരാട്ടത്തിലാണ് രാജ്യത്തെ ആരോഗ്യ പ്രവര്ത്തകര്. സ്വന്തം ജീവന് പോലും പണയം വെച്ചാണ് ആരോഗ്യ പ്രവര്ത്തകര് രാജ്യത്തിനായി സേവനം അനുഷ്ഠിക്കുന്നത്. വൈറസ് ബാധ പിടിപെടാനുള്ള സാധ്യത കൂടുതലാണ് എന്ന് അറിഞ്ഞിട്ടും രാപ്പകലില്ലാതെ പ്രവര്ത്തിക്കുന്നവരാണ് ആരോഗ്യ പ്രവര്ത്തകര്. ആരോഗ്യ പ്രവര്ത്തകരെ ആദരിക്കുന്ന നിരവധി വീഡിയോകള് നാം കാണാറുണ്ട്. അത്തരത്തില് സ്വന്തം ജീവന് പോലും പണയം വെച്ച് ആശുപത്രിയില് ജോലി ചെയ്യുന്ന ആരോഗ്യ പ്രവര്ത്തകയ്ക്ക് നാട്ടുകാരും വീട്ടുകാരും ചേര്ന്ന് ആദരവ് അര്പ്പിക്കുന്ന വീഡിയോയാണ് ഇപ്പോള് സാമൂഹ്യ മാദ്ധ്യമങ്ങളില് വൈറലാകുന്നത്.
കൊറോണ ഡ്യൂട്ടി കഴിഞ്ഞെത്തിയ ബംഗളൂരുവിലെ ഡോ. വിജയശ്രീയെയാണ് നിറഞ്ഞ കയ്യടിയോടെ നാട്ടുകാര് സ്വീകരിക്കുന്നത്. ഫ്ളാറ്റിന്റെ ബാല്ക്കണിയില് നിന്നാണ് ഇവര് വിജയശ്രീയ്ക്ക് ഹൃദ്യമായ വരവേല്പ്പ് നല്കിയത്. നാട്ടുകാര് നല്കിയ വരവേല്പ്പ് കണ്ട് ഡോക്ടര് വികാരഭരിതയാകുന്നതും ആനന്ദാശ്രു പൊഴിക്കുന്നതും വീഡിയോയില് കാണാം.
ബംഗളൂരും മേയറായ എം ഗൗതം കുമാറാണ് വീഡിയോ ട്വിറ്ററിലൂടെ പങ്കുവെച്ചിരിക്കുന്നത്. എംഎസ് രാമയ്യ മെമ്മോറിയല് ആശുപത്രിയില് കൊറോണ രോഗികളെ പരിചരിച്ച ശേഷം മടങ്ങിയെത്തിയതാണ് ഡോ. വിജയശ്രീ എന്നും അദ്ദേഹം ട്വിറ്ററില് കുറിച്ചിരുന്നു.
ಕಣ್ಣಿಗೆ ಕಾಣುವ ದೇವರು!
Dr. Vijayashree of Bengaluru received a heroic welcome when she returned home after tending to #COVID19 patients in MS Ramaiah Memorial Hospital.
A big thank you to all the #CoronaWarriors working selflessly on the frontline of this pandemic. We SALUTE you! pic.twitter.com/COHT4KYYE1
— M Goutham Kumar (@BBMP_MAYOR) May 2, 2020