ന്യൂഡല്ഹി: മികച്ച പ്രഹര ശേഷിയുള്ള യുദ്ധ സന്നാഹ ചോപ്പറുകള് ഉടന് കൈവശമാക്കാന് ഇന്ത്യന് നാവികസേന. 24 അന്തര്വാഹിനി പ്രതിരോധ ചോപ്പറുകളാണ് നാവികസേന വാങ്ങുക. അമേരിക്കന് കമ്പനിയായ ലോക്ഹീഡ് മാര്ട്ടിനുമായാണ് ചോപ്പറുകള് വാങ്ങാന് ധാരണയായത്. ആകെ 6800 കോടി രൂപയുടെ കരാറാണിത്. 2019ല് ഏപ്രില് മാസത്തില് ധാരണയായ പത്തൊമ്പതിനായിരം കോടിയുടെ ആയുധക്കരാറിന്റെ ഭാഗമായിട്ടാണ് നിലവിലെ ചോപ്പറുകള്
എംഎച്ച്-60 ആര് ഹെലികോപ്റ്റര് വിഭാഗത്തില്പ്പെട്ട ഇവ ഇന്ത്യയുടെ നിലവിലുള്ള സീ കിംഗിന് പകരമായി നാവിക സേനയുടെ ഭാഗമാകും. 1971 മുതല് ബ്രിട്ടണില് നിന്നാണ് നാവികസേന സീ കിംഗ് ഹെലികോപ്റ്ററുകള് വാങ്ങിയിരുന്നത്. ഇന്ത്യന് മഹാസമുദ്രത്തിലെ പാക്-ചൈനാ അന്തര്വാഹിനികളുടെ ഭീഷണിയെ നേരിടാനാണ് ഇന്ത്യന് നാവിക സേന ചോപ്പറുകള് സ്വന്തമാക്കുന്നത്.
ചോപ്പറുകള്ക്കൊപ്പം അതില് ഘടിപ്പിക്കുന്ന ആയുധങ്ങളുടെ കാര്യത്തില് ഇനിയും ധാരണയാകാനുണ്ട്. സെന്സറുകള്, മറ്റ് വാര്ത്തവിനിമയ ഉപകരണങ്ങള്, മിസൈലുകള്, ടോര്പിഡോകള്, ലക്ഷ്യം വയക്കാന് സാധിക്കുന്ന ഉപകരണങ്ങള് എല്ലാം ഘടിപ്പിക്കാന് പറ്റുന്ന ലോകത്തെ ഏറ്റവും മികച്ച ചോപ്പറുകളാണ് അമേരിക്കയുടെ എംഎച്ച്-60 ആര്.
