ജൊഹന്നാസ്ബര്‍ഗ്ഗ്: ദക്ഷിണാഫ്രിക്ക ടീം ഇന്ത്യയെ ക്രിക്കറ്റ് പരമ്പരയ്ക്ക് ക്ഷണിച്ചു. ഓഗസ്റ്റ് മാസം അവസാനത്തില്‍ മത്സരങ്ങള്‍ നടത്താന്‍ ഒരുക്കമാണെന്നാണ് ദക്ഷിണാഫ്രിക്ക ക്രിക്കറ്റ് ബോര്‍ഡ് അറിയിച്ചിരിക്കുന്നത്. ഇന്ത്യയില്‍ പര്യടനത്തിലായി ദക്ഷിണാഫ്രിക്കന്‍ ടീം എത്തിയതിന് പിന്നാലെയായിരുന്ന കൊറോണ ലോക്ഡൗണ്‍ ലോകത്തെല്ലായിടത്തും ആരംഭിച്ചത്. ആദ്യ കളി ധര്‍മ്മശാലയില്‍ മഴമൂലം നടന്നതുമില്ല. തുടര്‍ന്ന് മറ്റ് കളികള്‍ തുടരാനാകാതെ പരമ്പര മുടങ്ങി. ഇന്ത്യയില്‍ നിന്നും മടങ്ങിയ മുഴുവന്‍ ദക്ഷിണാഫ്രിക്കന്‍ കളിക്കാരും നാട്ടിലെത്തി ക്വാറന്റൈനില്‍ പ്രവേശിക്കുകയും ചെയ്തിരുന്നു. പരമ്പരക്കുള്ള ദക്ഷിണാഫ്രിക്കയുടെ ക്ഷണം ഇന്ത്യ സ്വീകരിക്കുമെന്നാണ് സൂചന.
കൊറോണ നിയന്ത്രണങ്ങള്‍ തീരുംമുറയക്ക് ഇന്ത്യയുടെ ആദ്യ പര്യടനം തീരുമാനി ച്ചിരിക്കുന്നത് ശ്രീലങ്കയിലേക്കാണ്. പൊതുവേ കൊറോണ ബാധ ഏറ്റവും കുറഞ്ഞ പ്രദേസമെന്ന നിലയിലും ശക്തരായ ഏഷ്യന്‍ ടീമാണെന്നതും കണക്കിലെടുത്താണ് ടി20 ലോകകപ്പിന് മുന്നേ തന്നെ പര്യടനം തീരുമാനിച്ചിരുന്നത്. ജൂണ്‍-ജൂലൈ മാസത്തിലായി പരമ്പര നടക്കുമെന്നാണറിവ്. മൂന്ന് വീതം ഏകദിനങ്ങളും ടി20കളും ഇന്ത്യ കളിക്കും. തുടര്‍ന്നുള്ള പരമ്പര തീരുമാനിച്ചിരുന്നത് സിംബാബ്‌വേയിലേക്കാണ്. ഇംഗ്ലണ്ട് ഇന്ത്യയിലേക്ക് എത്തുന്ന പര്യടനം തീരുമാനിച്ചിരുന്നെങ്കിലും ഉറപ്പായിട്ടില്ല. ഏഷ്യാകപ്പിനായും ഇനി ഇന്ത്യന്‍ ടീം തയ്യാറെടുക്കേണ്ടതുണ്ട്.
