ബെര്ലിന്: ലോകഫുട്ബോളിലെ ജര്മ്മന് ലീഗില് ഇന്ന് അഞ്ചു മത്സരങ്ങള് അരങ്ങേറും. ബയേണ് മ്യൂണിച്ചും ഡോട്ട്മുണ്ടുമടക്കം പത്തു ടീമുകളാണ് കളിക്കാനിറങ്ങുന്നത്. നിലവില് ബയേണ് മ്യൂണിച്ചും ഡോട്ട്മുണ്ടുമാണ് ഒന്നും രണ്ടും സ്ഥാനത്തുള്ളത്. മോഷെന്ഗ്ലാഡ്, ലീപ്സിഗ്, ലിവെര്സെന് എന്നീ ക്ലബ്ബുകള് പോയിന്റ് നിലയില് ആദ്യ അഞ്ച് സ്ഥാനത്ത് നിലയുറപ്പിച്ചിരിക്കുകയാണ്.
കൊറോണ നിയന്ത്രണം കാരണം അടച്ചിട്ട സ്റ്റേഡിയത്തിലാണ് മത്സരങ്ങള് ആരംഭിച്ചി രിക്കുന്നത്. ബുന്ദേസ്ലീഗ മത്സരങ്ങള് ആരംഭിച്ച രണ്ടാമത്തെ ആഴ്ചയാണിത്. നിലവില് ബയേണ് 26 മത്സരങ്ങളിലായി 18 ജയങ്ങളോടെ 58 പോയിന്റാണ് നേടിയിട്ടുള്ളത്. ഡോട്ട്മുണ്ട് അത്രയും മത്സരങ്ങളിലായി 16 ജയങ്ങളോടെ 54 പോയിന്റുമായി തൊട്ടുപിന്നിലുണ്ട്.
ഇന്നു നടക്കുന്ന കളിയില് ബയേണിന്റെ എതിരാളി 13-ാം സ്ഥാനത്തുള്ള എന്ട്രാചാത് ഫ്രാങ്ക്ഫര്ട്ടാണ്. ഡോട്ട്മുണ്ടിന്റെ എതിരാളി താരതമ്യേന മികച്ച ടീമും നിലവില് 6-ാം സ്ഥാനത്തുള്ള വൂള്സ്ബര്ഗാണ്. ബയേണിന്റെ സ്ട്രൈക്കര് റോബര്ട്ട് ലെവന്ഡോവ് സികിയുടെ പ്രകടനമാണ് ഇന്ന് ആരാധകര് ഉറ്റുനോക്കുന്നത്.