ജമൈക്ക: ഇംഗ്ലണ്ടിനെതിരെയുള്ള പരമ്പര തീരുമാനമാകാതെ നില്ക്കുന്നതിനിടെ വെസ്റ്റിന്ഡീസ് ക്രിക്കറ്റ് ടീം നാട്ടില് പരിശീലനം ആരംഭിച്ചു. കൊറോണ സുരക്ഷാ മാനദണ്ഡങ്ങള് പാലിച്ചുകൊണ്ടാണ് ടീം പരിശീലനം ആരംഭിച്ചതെന്ന് വെസ്റ്റിന്ഡീസ് ക്രിക്കറ്റ് ബോര്ഡ് അറിയിച്ചു.
വെസ്റ്റിന്ഡീസ് നായകന് ജാസണ് ഹോള്ഡര്, ക്രേയ്ഗ് ബ്രേയ്ത്വെയിറ്റ്, ഷായി ഹോപ്, കീമര് റോച്ച്, ഷാനെ ബ്രൂക്സ്, റയ്മാന് റീഫര് എന്നിവരാണ് പരിശീലനത്തിനിറങ്ങിയത്. ക്രിക്കറ്റ് ബോര്ഡ് എല്ലാവര്ക്കും പരിശീലനത്തിനുള്ള അനുവാദം നല്കുകയായിരുന്നു. സാമൂഹിക അകലം പാലിച്ചുകൊണ്ടുള്ള പരിശീലനത്തിനാണ് അനുമതി നല്കിയിരിക്കുന്നത്.
ബാര്ബഡോസ് സ്റ്റേഡിയത്തിലാണ് കരീബിയന് താരങ്ങള് പരിശീലനം ആരംഭിച്ചിരിക്കുന്നത്. താരങ്ങളുടെ ആരോഗ്യം ശ്രദ്ധിക്കുന്നതിനുള്ള വൈദ്യപരിശോധനാ സംഘവും സ്റ്റേഡിയത്തില് പ്രവര്ത്തിച്ചുതുടങ്ങി. താരങ്ങളെല്ലാം പരിശീലനത്തിന് അനുമതി ലഭിച്ചതിന്റെ സന്തോഷത്തിലും ആത്മവിശ്വാസത്തിലുമാണെന്ന് ക്രിക്കറ്റ് ബോര്ഡ് സിഇഒ ജോണി ഗ്രേവ് അറിയിച്ചു. വിസ്ഡണ് ട്രോഫി പരമ്പരയക്കായിട്ടാണ് ഇംഗ്ലണ്ടിലേക്ക് കരീബിയന് ടീം യാത്രതിരിക്കേണ്ടത്. ഇതിനിടെ ഇംഗ്ലീഷ് താരങ്ങളായ ജെയിംസ് ആന്ഡേഴ്സണും സറ്റുവര്ട്ട് ബ്രോഡും പരിശീലനത്തിനിറങ്ങി.
