വെല്ലിംഗ്ടണ്: ലോകചലച്ചിത്ര പ്രേമികളെ ഭാവനാലോകത്തേക്ക് എത്തിച്ച അവതാറിന്റെ രണ്ടാം ഭാഗം ഒരുങ്ങുന്നു. കൊറോണ ബാധമൂലം തടസ്സപ്പെട്ട ചിത്രീകരണങ്ങള്ക്കായി സംവിധായകന് ജെയിംസ് കാമറൂണും നിര്മ്മാതാവ് ജോന് ലാന്ഡിയോയും ന്യൂസിലാന്റിലെത്തി. ജോനിന്റെ ഇന്സ്റ്റാഗ്രാമിലൂടെയാണ് ഇരുവരും വിമാനത്താവള ത്തിലെത്തിയതിന്റെ ചിത്രം ആരാധകരുമായി പങ്കുവച്ചത്. ലോക്ഡൗണ് നിയന്ത്രണങ്ങളു ള്ളതിനാല് ഇരുവരും 14 ദിവസത്തേക്ക് ന്യൂസിലാന്റ് ആരോഗ്യവകുപ്പിന്റെ നിര്ദ്ദേശ പ്രകാരം ക്വാറന്റൈനില് പ്രവേശിച്ചതായും ജോന് അറിയിച്ചു.
വിമാനത്താവളത്തില് സുരക്ഷാ മാസ്കുകള് ധരിച്ച് നില്ക്കുന്ന ചിത്രങ്ങളോടൊപ്പമാണ് സന്ദേശം അയച്ചത്. ‘ അങ്ങിനെ ന്യൂസിലാന്റിലെത്തി. ഇനി 14 ദിവസത്തെ സര്ക്കാര് നിര്ദ്ദേശമനുസരിച്ചുള്ള സ്വയം ഒതുങ്ങിക്കൂടല് ആരംഭിക്കുകയാണ്’ ജോന് സന്ദേശ ത്തിലെഴുതി. അവതാര് സീക്വല്, ജെയിംസ്കാമറൂണ്, ന്യൂസിലാന്റ്, എയര്ന്യൂസിലാന്റ്, സെല്ഫ് ഐസൊലേഷന് എന്നീ ഹാഷ് ടാഗുകള് നല്കിയാണ് ഇന്സ്റ്റാ ഗ്രാമില് സന്ദേശം അയച്ചത്.
ന്യൂസിലാന്റില് കൊറോണ ലോക്ഡൗണ് ചട്ടങ്ങള് ലഘൂകരിക്കുകയും സിനിമാ ടെലിവിഷന് ചിത്രീകരണങ്ങള്ക്ക് അനുമതി നല്കുകയും ചെയ്തിട്ടുണ്ട്. രണ്ട് ആഗോള ചിത്രങ്ങളാണ് ന്യൂസിലാന്റില് ഒരേ സമയം ചിത്രീകരണത്തിലുള്ളത്. അവതാര്-2ഉം ദ ലോര്ഡ് ഓഫ് ദ റിംഗ്സുമാണ് നിലവില് കൊറോണ കാലത്ത് ചിത്രീകരണം മുടങ്ങിയത്. ഇതിന്റെ അണിയറ പ്രവര്ത്തകര്ക്കും നടീനടന്മാര്ക്കും കൊറോണ പ്രതിരോധ പ്രവര്ത്തനങ്ങളുടെ ഭാഗമായ 14 ദിവസത്തെ നിരീക്ഷണം നിര്ബന്ധമാണെന്നും ന്യൂസിലാന്റ് ഭരണകൂടം അറിയിച്ചിട്ടുണ്ട്. 2021 ഡിസംബര് 17ന് ആഗോള റിലീസിംഗിനാണ് അവതാര് ടീം ശ്രമിക്കുന്നത്.